web counter
LEXO PA REKLAMA!

SHKARKO APP

App Store
Google Play

E fundit!

x

Operacioni "Revanshi"/ Arrestohet Xhelal Rraja

10 Korrik 2024, 12:54, Aktualitet CNA
Operacioni "Revanshi"/ Arrestohet Xhelal Rraja
Xhelal Rraja

Në kërkim në kuadër të operacionit "Revanshi", arrestohet nga policia Xhelal Rraja, babai i Ramazan Rrajës. 

"Pas një pune të mirëfilltë hetimore, është bërë e mundur kapja e shtetasit në kërkim Xh. Rr. Xh. Rr. ishte shpallur në kërkim, pasi gjykata i kishte caktuar masën e sigurisë 'Arrest në burg', në vijim të operacionit 'Revanshi', për pjesëmarrje në grup të strukturuar kriminal dhe për sigurim të kushteve për të kryer vrasje", njofton policia.

Xhelal Rraja akuzohet për grup kriminal dhe për sigurim të kushteve për vrasjen e Arben Ndokës. 

Sipas SPAK-ut, vëllai i ish-deputetit socialist Rrahman Rraja ishte pjesë e grupeve të Durim Bamit e Endrit Dokles që tentuan vrasjen Ndokës. Nga hetimet e SPAK-ut rezulton se Arben Ndoka ishte planifikuar të ekzekutohet në janar 2021, kur ky të shkonte për kafe dhe qokë në Rrugën e Elbasanit, pasi kishte vdekur një gjyqtar nga Lezha.

Gjatë operacionit "Revanshi", u goditën shtatë grupe kriminale më të mëdha në Shqipëri, me shtrirje gjeografike në qytetet kryesore të vendit. 

Në total u lëshuan 50 urdhër-arreste si dhe gjatë kontrolleve në vilat e bosëve të krimit u gjetën rreth 3 mln euro cash si dhe flori e pasuri të tjera, në total 4.5 mln euro./CNA 





Lajmet e fundit nga