web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 11 korrikut/ Tedi Blushi: Të gjithë në betejë për jetë a vdekje

10 Korrik 2024, 16:27, Aktualitet CNA
Protesta e 11 korrikut/ Tedi Blushi: Të gjithë në betejë
Protesta, foto ilustruese

Ditën e nesërme në orën 20:00 opozita do të zhvillojë protestën kombëtare para Kryeministrisë ku do të kërkohet lirimi i kreut të PD-së, Sali Berisha dhe krijimi i qeverisë teknike.

Tedi Blushi përmes një postimi në rrjetet sociale i ka bërë thirrje të gjithë shqiptarëve për tu bashkuar në betejë për jetë a vdekje kundër narkoshtetit.

Ai u kërkon qytetarëve të bashkohen në protestë për të shkulur nga themelet dhe për të rrëzuar regjimin kriminal që ka përmbysur Kushtetutën dhe ligjet, që ka shkatërruar kontrollin dhe balancat e pushteteve.

“TË GJITHË BASHKË NË BETEJË PËR JETË A VDEKJE KUNDËR NARKOSHTETIT!TË GJITHË BASHKË NESËR, NË 11 KORRIK, NË PROTESTË, ORA 20:00!

Për të shkulur nga themelet dhe përmbysur këtë regjim kriminal që ka përmbysur Kushtetutën dhe ligjet, që ka shkatërruar kontrollin dhe balancat e pushteteve, ka asgjësuar transparencën e llogaridhënien, ka kapur “Drejtësinë e Re” duke përdorur SPAK-un si vrasës me pagesë të pluralizmit politik, që shkel dhe dhunon mizorisht çdo ditë të drejtat, liritë dhe dinjitetin njerëzor dhe që me korrupsionin e vet skizofrenik nuk kursen as shëndetin dhe jetën e qytetarëve.

Ky Sekt mafioz dhe pervers, vasal i tredhur i “Ballkanit të Hapur”, që synon të shpërbëjë kombin tonë pasi ka përzënë në 11 vite mbi 1 milion shqiptarë, ka shkatërruar ekonomitë familjare, ka varfëruar në mizerabilitet shqiptarët dhe po falimenton Shqipërinë meriton të marrë nesër një përgjigje shembullore patriotike popullore.

Përballje dhe vetëm përballje me Narkoshtetin dhe Ramaformën!Kjo është rruga e vetme për të shpëtuar Shqipërinë dhe shqiptarët!Nesër, në 11 korrik, ora 20:00, të gjithë në shesh!”, shkruan Tedi Blushi./ CNA





Lajmet e fundit nga