web counter
LEXO PA REKLAMA!

SHKARKO APP

App Store
Google Play

Olsian Çela takon kryetaren e Zyrës së KiE në Tiranë/ Në fokus, siguria e gazetarëve

11 Korrik 2024, 15:38, Aktualitet CNA
Olsian Çela takon kryetaren e Zyrës së KiE në Tiranë/
Olsjan Çela dhe Giulia Re

Prokurori i Përgjithshëm, z.Olsian Çela, dhe kryetarja e Zyrës së Këshillit të Evropës në Tiranë, znj.Giulia Re, u takuan sot për të diskutuar mbi çështje që lidhen me sigurinë e gazetarëve, duke u fokusuar në forcimin e kapaciteteve institucionale në hetimin e këtyre çështjeve.

Gjatë takimit Prokurori i Përgjithshëm theksoi rritjen e angazhimit institucional të prokurorisë në këtë drejtim, duke e konsideruar si një nga prioritetet në punën e prokurorisë.

Nga ana e kryetares së zyrës së Këshillit të Evropës, u shpreh vullneti për të vazhduar mbështetjen e prokurorisë në drejtim të trajnimit të mëtejshëm të prokurorëve dhe oficerëve të policisë gjyqësore, sa i përket lirisë së shprehjes dhe sigurisë së gazetarëve, aktivitete që organizohen në kuadër të projektit të përbashkët mes Bashkimit Evropian dhe Këshillit të Evropës ‘Mbrojtja e lirisë së shprehjes dhe medias në Shqipëri’.

Në takim u ra dakord për nevojën e thellimit të koordinimit dhe bashkëpunimit mes palëve në të ardhmen./ CNA





Lajmet e fundit nga