web counter
LEXO PA REKLAMA!

SHKARKO APP

App Store
Google Play

E fundit!

x

Skemë mashtrimi me TVSH-në/ Prokuroria mbyll hetimet, dërgon për gjykim Rezart Taçin

11 Korrik 2024, 13:20, Aktualitet CNA
Skemë mashtrimi me TVSH-në/ Prokuroria mbyll hetimet, dërgon
Rezart Taçi

Prokuroria e Tiranës ka përfunduar hetimet dhe ka dërguar për gjykim, Rezart Taçin. Mbi biznesmenin rëndon vepra penale ‘Krijimi i skemave mashtruese lidhur me TVSH-në’.

Nga hetimet ka rezultuar se shoqëria ‘Kuid’ si agjente e shitjes me pakicë e shoqërisë ‘Taçi Oil International Trading and Supply Company’ i ka faturuar komisione shërbimi më shumë në sasi sesa sasia e furnizuar në fakt për periudhën maj-dhjetor 2013. Sipas prokurorisë, kjo shoqëri ka kredituar padrejtësisht TVSH-në me vlerë 10.399,595 lekë. 

Njoftimi Prokurorisë: 

Prokuroria pranë Gjykatës së Shkallës së Parë të Juridiksionit të Përgjithshëm Tiranë përfundoi hetimet dhe dërgon në gjyq të pandehurin R.T. i akuzuar për veprën penale ‘Krijimi i skemave mashtruese lidhur me TVSH-në’ e parashikuar nga neni 144/a i Kodit Penal.

Nga hetimet e kryera në kuadër të procedimit penal nr. 206 i vitit 2018, rezultoi se shoqëria ‘Kuid’ shpk si agjente e shitjes me pakicë e shoqërisë ‘Taçi Oil International Trading and Supply Company’ sh.a., i ka faturuar komisione shërbimi më shumë në sasi se sa sasia e furnizuar në fakt për periudhën Maj-Dhjetor 2013.

Kjo shoqëri ka kredituar padrejtësisht TVSH-në me vlerë 10.399,595 lekë. Gjithashtu me transaksion fiktiv ka rënduar shpenzimet e vitit padrejtësisht për shumën 51.997.975 lekë.

Nga kontrolli tatimor i kryer rezultoi se shoqëria ‘Taçi Oil International Trading and Supply Company’ sh.a. për llojin karburant ‘Diesel’ nga muaji Maj-Tetor 2013 ka shitur një sasi prej 1.298095 litra dhe ka faturuar një sasi prej 4.591.093 litra, me një diferencë më shumë 3.292.998 litra në vlerë 36.818.845 lekësh. Ndërsa për llojin e karburantit ‘Benzinë’ ka kryer shitje në sasinë 608.093 litra duke faturuar 1.934.446 me vlerë 15.070.950 lekë./CNA 

 

 





Lajmet e fundit nga