web counter
LEXO PA REKLAMA!

SHKARKO APP

App Store
Google Play

Shtyhet gjyqi ndaj biznesmenit Rezart Taçi, kërkesa e avokatëve

8 Janar 2024, 10:08, Aktualitet CNA
Shtyhet gjyqi ndaj biznesmenit Rezart Taçi, kërkesa e avokatëve
Rezart Taçi

Procesi gjyqësor ndaj biznesmenit Rezart Taçit, është shtyrë për në datën 18 janar. Në seancën e sotme avokati ka kërkuar pushimin e çështjes duke argumentuar, se Italia e ka pushuar çështjen për dy të dyshuarit atje.

Në muajin tetor GJKKO ka rrëzuar kërkesën e bashkëpunëtorëve të Cosa Nostra-s për zbutje të masës së sigurisë, duke lënë në fuqi vendimin për dënimin me 11 vite burg për Artur Ballën dhe 10 vite burg për Bledar Lilon kunatin dhe shoferin e biznesmenit Rezart Taçi.

Mbi ta rëndojnë akuzat për pastrim të parave dhe grup i strukturuar kriminal. Të dy të dënuarit kanë përfituar nga gjykimi i shkurtuar.

Artur Balla duke përfituar nga gjykimi i shkurtuar do të vuajë 7 vite e 4 muaj burg. Ndërsa Bledar Lilo do të vuajë 6 vite e 8 muaj burg.

Nga ana tjetër Rezart Taçi ndodhet ende në arrati. Ata akuzohen se në bashkëpunim me biznesmenin Rezart Taçi transferuan 18.3 mln të organizatës mafioze Cosa Nostra, në një bankë të nivelit të dytë në Shqipëri.

SPAK ka fakte se skema e pastrimit të parave të krimit drejtohej nga shtetasit italian Francesco Zummo, 90 vjeç dhe I. Z., në bashkëpunim me shtetasin tjetër italian Fabio Petruzzella, shtetasin zviceran me origjinë italiane D. C., të cilët në bashkëpunim me Rezart Taçin pastronin paratë përmes bizneseve të tij në Shqipëri në sektorin e naftës.

Në këtë skemë pastrimi rezultuan të përfshirë edhe Artur Balla me Bledar Lilo.

Bëhet fjalë për transaksione në shumën 18,399,941.50 euro, që është sekuestruar më herët nga SPAK-u./CNA 

 





Lajmet e fundit nga