web counter
LEXO PA REKLAMA!

SHKARKO APP

App Store
Google Play

E fundit!

x

Sondazh/ Kush është përgjegjësi kryesor për aferën me inceneratorin e Tiranës? 

7 Janar 2024, 16:59, Aktualitet CNA

Sondazh/ Kush është përgjegjësi kryesor për aferën

“Kush është përgjegjësi kryesor për aferën me inceneratorin e Tiranës?”

Kjo është pyetja që CNA ka shtruar në sondazhin e hapur mbrëmjen e sotme për aferën në inceneratorin e Tiranës, e cila ka kapur shifrën e mbi 110 milionë eurove.

CNA pyet qytetarët nëse përgjegjësia kryesore bie mbi bashkinë e Tiranës, institucionin që firmosi koncesionin, qeverinë që bëri inceneratorët apo biznesin që fitoi koncesionin. Opsioni i fundit në sondazh është “Nuk e di”.

Poll

CNA merr shkas për hapjen e këtij sondazhi nga faktet e reja që denoncohen dita ditës nga PD apo edhe nga gazetarët.

SPAK ka provuar se “truri” i aferës së inceneratorëve është Mirel Mërtiri.

Për aferën e provuar tashmë, SPAK lëshoi 15 urdhër-arreste. Në pranga u vunë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Akuza për aferën në Tiranë rëndojnë edhe ndaj ish-ministrit të Mjedisit Lefter Koka dhe ish-sekretarit të tij Alqi Bllako, të cilët aktualisht ndodhen në burg.

Gjithashtu, urdhër-arreste ka edhe për kokat e inceneratorëve, Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Sondazh/ Kush është përgjegjësi kryesor për aferën
SPAK

I cilësuari nga SPAK si "truri" i inceneratorëve, shtetasi Mirel Mërtiri, dyshohet se ka konsumuar elementët e veprës penale “Mashtrimi” me pasoja të rënda, në bashkëpunim, parashikuar nga neni 143/3, 25 i Kodit Penal, “Pastrimi i produkteve të veprës penale apo i veprimtarisë kriminale”, parashikuar nga neni 287, gërmat “a” dhe “b” të Kodit Penal, e kryer në rrethanën cilësuese “në bashkëpunim”, sipas nenit 287 paragrafi 2 i Kodit Penal.

Ndërsa Klodian Zoto dyshohet se ka konsumuar elementët e veprës penale “Mashtrimi” me pasoja të rënda, në bashkëpunim, “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga nenet 143/3, 25, 245 të Kodit Penal, “Pastrimi i produkteve të veprës penale apo i veprimtarisë kriminale”, parashikuar nga neni 287, gërmat “a” dhe “b” të Kodit Penal, e kryer në rrethanën cilësuese “në bashkëpunim”, sipas nenit 287 paragrafi 2 i Kodit Penal.

Disa ditë më parë, CNA raportoi se SPAK do të ndërmarrë hapa të tjerë, pasi hetimet po vazhdojnë.

Burime zyrtare nga SPAK-u i thanë CNA se dosja e inceneratorit të Tiranës ka shumë fraksione. 

Të njëjtat burime i theksuan CNA-së se janë kryer procedurat dhe priten disa dhjetëra arreste të tjera në lidhje me zyrtarë të përfshirë në aferën e shekullit./ CNA





Lajmet e fundit nga