web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq në vend/ Policia e Shtetit, apel drejtuesve të mjeteve

6 Janar 2024, 22:09, Aktualitet CNA

Moti i keq në vend/ Policia e Shtetit, apel drejtuesve të mjeteve

Policia e Shtetit u ka bërë apel drejtuesve të mjeteve të rrisin vigjilencën dhe të tregojnë kujdes gjatë lëvizjes për shkak të motit të keq, me reshje shiu dhe erë të fortë.

Më tej bëhet me dije se, shërbimet e policisë rrugore kanë shtuar prezencën në rrugët urbane dhe interurbane për parandalimin e aksidenteve dhe për tu ofruar ndihmë shoferëve në raste nevoje.

“Për shkak të motit të keq me reshje shiu dhe erë të fortë, në disa qarqe të vendit, Policia e Shtetit apelon për përdoruesit e rrugës që të rrisin vigjilencën dhe të tregojnë kujdes gjatë lëvizjes.

Të moderojnë shpejtësinë, të mos përdorin celularin gjatë drejtimit të mjetit, të vendosin rripin e sigurimit, të mos kryejnë parakalime të gabuara dhe të mos drejtojnë automjetin/motomjetin, në efektin e alkoolit.

Të tregojnë kujdes sepse për shkak të erës së fortë mund të ketë rrëzime të pemëve, ndërsa si pasojë e reshjeve të dendura ka prezencë të ujit në disa akse rrugore.   

Shërbimet e Policisë Rrugore kanë shtuar prezencën në rrugët urbane dhe interurbane, me qëllim parandalimin e aksidenteve dhe për t’iu ofruar ndihmë përdoruesve të rrugës në nevojë.   

Në rast nevoje telefononi në numrin 112 dhe zbatoni me rigorozitet rregullat e qarkullimit dhe udhëzimet e Policisë Rrugore”, thuhet në njoftim./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga