web counter
LEXO PA REKLAMA!

SHKARKO APP

App Store
Google Play

E fundit!

x

"Motra nuk pa asnjë ditë të bardhë"/ Vëllai i 41-vjeçares kërkon drejtësi

6 Janar 2024, 13:46, Aktualitet CNA
"Motra nuk pa asnjë ditë të bardhë"/ Vëllai i
Vëllai i 41-vjeçares

Vëllai i 41-vjeçares që u vetëvra pas konflikteve të vazhdueshme me burrin e saj si dhe bullimizit në rrjetin social TikTok, kërkon drejtësi për motrën e tij. 

Në një intervistë televizive ai është shprehur se burri i 41-vjeçares e dhunonte vazhdimisht motrën e tij. Ai nuk përjashton as mundësinë që mund ta ketë detyruar burri që të pinte fotoksinë. 

Ai tha se do të vazhdojë të jetë një mbështetje për 4 nipat dhe mbesat e tij. 

"23 vjet, 23 minuta nuk i ka parë asnjëherë. Bënte nga një fëmijë dhe ikte. Një fjalë të dobët për atë vajzë nuk e kemi dëgjuar. Ka qenë një vajzë që nuk kishte fjalë. Isha në Greqi. Më mori nusja në telefon dhe ajo më tregoi. Mbesat dhe nipat, nuk i lë. Fëmijët i kam të rritur dhe do i mbaj unë. Do i lutem shtetit, që të zbardhi çështjen. Spitali thotë se nuk është rrahur, por ajo ka shkuar me plagë në kurriz. Ajo ka pasur shenjë në krahun e majtë. Motra ime nuk ka pasur asnjë ditë të bardhë në atë shtëpi. Ka pasur shenja dhune në trup. Jam i bindur se motrën e vrau burri i saj. I lutemi shtetit që të zbardhë ngjarjen. Motrën time nuk e shpnin plumbat dhe jo më të pinte helmin. Dhuna ndaj motrën ka qenë e vazhdueshme, por kishim shpresë se ai do të ndryshonte", shprehet një nga vëllezërit.

Për vetëvrasjen e 41-vjeçares, policia ka arrestuar burrin e saj. Forcat blu bëjnë me dije se ai nuk ka bashkëpunuar për zbulimin e rrethanave të ngjarjes në fjalë.

Pas hetimeve është zbuluar se 45-vjeçari ka ushtruar dhunë psikologjike ndaj nënës së 4 fëmijëve, madje raportohet se në një rast ka tentuar që ta vrasë atë me thikë.

Gjatë kontrolleve i është gjetur një sasi e konsiderueshme municionesh luftarale të cilat i janë sekuestruar dhe po ashtu është sekuestruar telefoni i tij dhe i bashkëshortes së ndjerë./CNA 





Lajmet e fundit nga