web counter
LEXO PA REKLAMA!

SHKARKO APP

App Store
Google Play

E fundit!

x

Shifrat sipas shteteve/ Kumbaro bën bilancin e vitit 2023: Patëm turistë nga të gjithë kontinentet

6 Janar 2024, 11:38, Aktualitet CNA
Shifrat sipas shteteve/ Kumbaro bën bilancin e vitit 2023: Patëm
Ministrja e Turizmit, Mirela Kumbaro

Ministrja e Turizmit, Mirela Kumbaro në një deklaratë për mediat ka bërë public bilancin për vitin 2023 në fushën që ajo përfaqëson.

Gjatë fjalës së saj ajo tha se turizmi rregulloi imazhin e vendit.

Kumbaro bëri me dije se gjatë vitit që lamë pas, Shqipëria është vizituar nga turistë të ardhur nga gjitha kontinentet ku përmedni dhe përqindjet sipas vendeve.

“Sa i takon hartës turistike, kemi patur përfaqësim gjeografik nga të gjitha kontinentet, Europa mban peshën kryesore të flukseve. Kemi patur turistë nga të gjithë kontinentet. Të gjitha vendet kanë patur përfaqësuesit e tyre. Kemi qenë në kontakt, duke ndarë shifrat që kanë vizatuar grafikun e fluksit të turistëve në Shqipëri. Është interesante të shohim disa nga prirjet e flukseve turisitike. Turistët spanollë, kanë qënë të rrallë deri dy vite me parë në Shqipëri, kemi një rritje me 92% të vizitorëve. Lidhet me përshtypjet e mira që kanë patur por edhe me faktin e kompanive të huaja në Shqipëri. Na treguan një gjë. Përmiresimin e imazhit të Shqipërisë, një fakt që vendi ynë e ka patur problem. Turizmi është ky diplomat, që ka qenë ambasadori ynë më i mirë.

Holandezët janë rritur me 35%, italianët me 56 %, anglezët 42 %, gjermanët 66 %, turqit janë rritur po ashtu. Mbetet solid turizmi nga rajoni, Kosova, Mali i Zi, Maqedonia e Veriut. Ka patur impakt shumë të madh turizmi, kemi të konfirmuar 3.2 mld euro të hyra në ekonominë shqiptare. Po ashtu është rritur mesatarja e netë qëndrimeve, nga 3-4 gjatë 2023 u shënuan 6 netë qëndrime për turistët. Do vijojmë në 2024 gjithë programin e promovimit, me ide shumë të qarta. Shqipëria do marrë pjesën në panairin e Madridit këtë vit në janar.”, tha Kumbaro./ CNA





Lajmet e fundit nga