web counter
LEXO PA REKLAMA!

SHKARKO APP

App Store
Google Play

“Nuk ka rregullore që na tremb”/ Spaho: Do protestojmë jashtë dhe brenda Kuvendit

6 Janar 2024, 18:27, Aktualitet CNA
“Nuk ka rregullore që na tremb”/ Spaho: Do protestojmë
Deputeti Edmond Spaho

Deputeti Edmond Spaho ka bërë me dije se protestat do të vazhdojnë si jashtë po ashtu dhe brenda sallës së Kuvendit.

Ai u shpreh për mediat se nuk i tremb aspak rregullorja pasi demokratët kanë një mision, të çmontojnë diktaturën e re.

Po ashtu deputeti u ka bërë thirrje të rinjve që të mos presin që e keqja të mbërrijë në dyert e tyre por të ngrihen dhe ta bëjnë Shqipërinë një vend normal ku mund të jetojnë të gjithë.

“Do ta eskalojmë lëvizjen, do ta zhvendosim protestën tonë. Në kuvend nuk mund të bëjmë kompromis dhe të hiqemi sikur nuk po ndodh asgjë.Diktatura po sillet me të njëjtat metoda.

Jo më kot Berisha e tha që është mbyllur një kapitull 33-vjeçar, tashmë kemi mision çmontimin e diktaturës së re.

Nuk ka rregullore që mund të na friksojë dhe të na trembë. I kemi hyrë kësaj rruge me zemër Kështu do vazhdojmë.

Një thirrje për të rinjtë. Mos prisni kur e keqja të mbërrijë në dyert tuaja. Ngrihuni të bëjmë Shqipërinë një vend normal për të jetuar të gjithë.

Në PD po punon një grup për të planifikuar lëvizjet e ardhshme. Do protestohet brenda dhe jashtë parlamentit si dhe në rrethet e qytetet e tjera të Shqipërisë”, tha Spaho./ CNA





Lajmet e fundit nga