web counter
LEXO PA REKLAMA!

SHKARKO APP

App Store
Google Play

“Dhunimi i 3 të rinjve, i qëllimshëm”/ Kreu i partisë shqiptare në Malin e Zi: 3 serbë u arrestuan

7 Janar 2024, 19:57, Aktualitet CNA

“Dhunimi i 3 të rinjve, i qëllimshëm”/ Kreu i

Kreu i partisë shqiptare në Malin e Zi, Unioni Demokratik Shqiptar, Meto Zenka ka reaguar për dhunën e ushtruar ndaj 3 të rinjve.

Zenka tha se të rinjtë shqiptarë u dhunuan nga 7 militantë serbë, 3 prej të cilëve janë vënë në pranga.

Ai bëri të ditur se të gjitha partitë shqiptare kanë kërkuar zbardhjen e së vërtetës.

Sipas tij, dhunimi ishte i qëllimshëm për shkak të urrejtjes së të rinjve serbë, të cilët sapo kanë parë targat shqiptare kanë nisur sulmin.

“Kemi reaguar në të gjithë mediat në Malin e Zi dhe kemi bërë apel për arritjen e zbulimit të së vërtetës. Sipas informatave tona, 3 djemtë shqiptarë që thanë se u dhunuan nga 7 apo 8 militantë serbë, ne vërtetuam se ata ishin 7 vetë, 3 prej të cilëve janë arrestuar dhe 4 janë në kërkim.

Unë kam kontaktuar edhe me kryeministrin malazez, i cili dha urdhër për zbardhjen e menjëhershme të ngjarjes. Organet e policisë erdhën shpejt dhe pritet që deri nesër të arrestohen edhe personat në kërkim.

Zakonisht këta persona janë militantë të politikës serbe.

Nuk është një incident banal, por ishte diçka e qëllimshme për të shprehur urrejtjen e të rinjve serbë të veshur me uniforma serbe që sapo panë regjistrimet dhe targat shqiptare kanë nisur provokimet dhe kanë sulmuar të rinjtë shqiptarë.

Dita ditës jemi dëshmitarë të thirrjeve pro-serbe kundër pakicave në Malin e Zi, disa herë edhe sulme fizike. Kryeministri ka kërkuar marrjen e masave ndaj autorëve të dhunës, mirëpo shqetësimi është te paraqitja e këtij rasti si një incident trafiku. Ata kanë qenë duke ecur në këmbë, militantët serbë, dhe më pas kanë provokuar shqiptarët dhe i kanë sulmuar”, u shpreh ai./ CNA





Lajmet e fundit nga