web counter
LEXO PA REKLAMA!

SHKARKO APP

App Store
Google Play

E fundit!

x

KQZ nis verifikimin e kryebashkiakut të Malësisë së Madhe

11 Korrik 2024, 12:55, Aktualitet CNA
KQZ nis verifikimin e kryebashkiakut të Malësisë së Madhe
Tonin Marinaj

Të enjten, Komisioni Qendror i Zgjedhjeve vendosi të nisë verifikimin për Tonin Marinajn, kryebashkiak socialist në Malësinë e Madhe.

Vendimi u mor sot nga kryetari i KQZ-së, Ilirjan Celibashi.

“Kryerjen e verifikimit të thelluar për Tonin Zef Marinajn, kryetar në Bashkinë Malësi e Madhe, i propozuar nga subjekti zgjedhor 'Partia Socialiste e Shqipërisë', dhe dërgimin e të dhënave përkatëse Prokurorisë së Përgjithshme për vlerësim të mëtejshëm. Ky vendim hyn në fuqi menjëherë”, u shpreh Celibashi. 

Pak ditë më parë, Partia Demokratike i kërkoi Prokurorisë së Përgjithshme të verifikojë sipas ligjit të dekriminalizimit të kryetarit të Bashkisë Malësi e Madhe, Tonin Marinaj.

Sipas PD-së, Prokuroria e Antimafias Italiane e akuzon atë si drejtues i një organizate kriminale të trafikut ndërkombëtar të drogës.

Kërkesa u firmos nga kryetari i Grupit Parlamentar të PD-së, Gazment Bardhi, dhe deputetët Dhurata Cupi, Ina Zhupa, Zheni Gjergji, Ramadan Likaj, Sorina Koti, Albana Vokshi, Luan Baci, Elda Hoti, Edmond Spaho, Emilja Koliqi, Flamur Hoxha, Oerd Bylykbashi, Agron Gjekmarkaj, Bledion Nallbati dhe Asllan Dogjani./CNA 

 





Lajmet e fundit nga