web counter
LEXO PA REKLAMA!

SHKARKO APP

App Store
Google Play

Situata me zjarret në vend/ Aktualisht 3 vatra aktive

12 Korrik 2024, 10:11, Aktualitet CNA
Situata me zjarret në vend/ Aktualisht 3 vatra aktive
Foto nga zjarret në vend

Sipas të dhënave nga Qendra Kombëtare Operacionale e Emergjencave Civile gjatë 24 orëve të fundit janë raportuar 14 vatra zjarri, nga të cilat janë shuar 11 dhe janë aktive 3 vatra zjarri.

Ministri i Mbrojtjes, Niko Peleshi, shprehet se sot po vijon në Bashkinë Delvinë, ku është aktive vatra e zjarrit sipër Manastirit dhe fshatit Kakodhiq, në Malin e Gjerë në Gjirokastër, si dhe pranë liqeneve të Lurës në Dibër. 

"Në Bashkinë Gjirokastër, efektivët e Forcave të Armatosura dhe ato të emergjencave vendore kanë nisur punën prej orëve të para të mëngjesit për shuarjen e vatrave të zjarrit mbi Malin e Gjerë, ku flakët kanë një shtrirje 10-12 km dhe janë të shpërndara në 3 vatra. Po ashtu po punohet për shuarjen e zjarrit të rënë dje, pranë liqeneve të Lurës, në fshatin Gurë - Lurë të Bashkisë Dibër, ku ndërhyrja paraqet vështirësi për shkak edhe të terrenit shumë shkëmbor. Falënderim për të gjithë efektivët zjarrfikës, efektivët e Forcave të Armatosura, forcat bashkiake, forcat policore, punonjës të Administratës së Zonave të Mbrojtura, shërbimit pyjor e forcave vullnetare që po luftojnë prej disa ditësh me flakët", shprehet ai./CNA 





Lajmet e fundit nga