web counter
LEXO PA REKLAMA!

SHKARKO APP

App Store
Google Play

Bushati: Lufta kundër krimit dhe korrupsionit nuk është vetëm detyrë e SPAK-ut

7 Nëntor 2024, 18:29, Aktualitet CNA
Bushati: Lufta kundër krimit dhe korrupsionit nuk është
Ish-ministri për Evropën dhe Punët e Jashtme, Ditmir Bushati

Ish-ministri për Evropën dhe Punët e Jashtme, Ditmir Bushati, në një leksion të hapur me studentët e Fakultetit të Shkencave Politike dhe Juridike foli për punën e SPAK-ut.

Ish-ministri Bushati e vuri theksin tek garancitë kushtetuese, teksa tha se drejtësia duhet të jetë frymë qeverisëse, si dhe duhet të orientojë veprimin politik dhe shoqëror.

“Ne na duhen gjykime të drejta e të ndershme nga këto procese të cilat ju i referoni. Përgjegjësitë ligjore mund të jenë personale, por nga këto procese ligjore që kryhen në dyert e gjykatave është e rëndësishme të përfitojë shoqëria dhe që drejtësia të kthehet gradualisht në frymë qeverisëse. Për mua, drejtësia nuk është thjeshtë vendimi që jep gjyqtari në sallën e gjyqit. Për mua koncepti i drejtësisë duhet të jetë frymë qeverisëse, duhet të orientojë veprimin politik dhe shoqëror”.

Ai deklaroi se nëse SPAK arrin të kontribuojë për këtë do jetë një shërbim shumë i çmuar që i bëhet vendit.

Por, sipas tij, “lufta kundër korrupsionit, lufta kundër krimit të organizuar nuk është thjeshtë dhe vetëm përgjegjësi e SPAK-ut dhe e GJKKO-së”./ CNA





Lajmet e fundit nga