web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e Lorenc Vangjelit trazon rrjetin/ Reagime të ashpra kundër analistit

5 Nëntor 2024, 22:17, Aktualitet CNA
Deklarata e Lorenc Vangjelit trazon rrjetin/ Reagime të ashpra kundër
Analisti Lorenc Vangjeli

Analisti Lorenc Vangjeli ka trazuar rrjetin me deklaratën për njerëzit e diagnostifikuar me tumor.

Vangjeliu tha mbrëmjen e djeshme në emisionin “Opinion” se këta persona “i ka dënuar Perëndia me vdekje”

“Tema është shumë e dhimshme. Flasim për njerëz që i ka dënuar perëndia me vdekje që herët a vonë nëse do të kuroheshin në Tiranë, Nju Jork, Paris, Berlin, a kudo gjetkë fundi i tyre do të ishte shumë i dhimbshëm. Shumica e humbet këtë betejë herët a vonë...”, tha analisti.

Kjo deklaratë ka shkaktuar zemërim në rrjet dhe ka sjellë një sërë reagimesh të forta.

Njëri prej reagimeve ishte i gazetarit Osman Stafa, i cili debatoi ashpër mbrëmjen e djeshme me analistin në emision.

Deklarata e Lorenc Vangjelit trazon rrjetin/ Reagime të ashpra kundër

“Vangjeli, i cili nuk njeh cipë, vendosi të ishte mbrojtësi i dobët i vrasjeve të Onkologjikut. Sepse Vangjeli nuk e njeh vuajtjen nëpër spitale, sepse Vangjeli ka miq. Prandaj i bën këto deklarata mizore për ata që vuajnë nga kanceri.

Shumë njerëz njoh që e kanë kaluar këtë betejë jetojnë sot shumë mirë. Dhe deklarata e Vangjelit është e frikshme, se do t'ia veshë Zotit, atë që neve na e vesh "ushqimi i keq, ajëri i ndotur, stresi, etj". Por këta nuk kanë Zot, e për pasojë ia veshin Zotit përgjegjësitë e frymorëve”, ka shkruar Stafa.

Deklarata e Lorenc Vangjelit trazon rrjetin/ Reagime të ashpra kundër

Edhe aktorja Albana Perhati ka sulmuar Vangjelin për deklartatën.

“Jo çdo i diagnostikuar me kancer ka vdekur ose do të vdesë o kafshë. Sfidat janë për të fortët. Kjo sëmundje kaq e rrezikshme ka prekur engjëj, fëmijë të vegjël. Çfarë kanë bërë ata për t’u dënuar siç thua ti?

Fatkeqësia më e madhe e jona është që jetojmë në një vend me njerëz të neveritshëm si ti”, ka deklaruar ajo në rrjetet sociale.

Deklarata e Lorenc Vangjelit trazon rrjetin/ Reagime të ashpra kundër

Mjekja onkologe, Lida Shosha është një ndër personat që ka dalë me status kundër analistit.

Shosha është shprehur se një deklaratë e tillë nuk është vetëm e padobishme, por edhe shumë e dëmshme psikologjikisht dhe emocionalisht.

“Në vend që t’i kujtoni dikujt me kancer, vdekshmërinë e tyre në një mënyrë kaq të ashpër, Z.Gazetar është shumë më njerëzore dhe e dhembshur, të heshtni, Nëse nuk dini çfarë të thoni, thjesht heshtni, dhe lini këtë kategori pacientesh në luftën e tyre te mbijeteses e cila mund të jetë më shëruese sesa të ofroni mizorisht të pavërteta të ftohta”, ka shkruan mjekja.

Faqja “Lolita” gjithashtu ka reaguar me tone të ashpra.

“Lorenc Vangjeli shprehet për të sëmurët me kancer: "njerëz të cilët i ka dënuar Perëndia me vdekje". Nuk kam dëgjuar deklaratë më skandaloze dhe më çnjerëzore për ata që luftojnë çdo ditë për jetën e tyre”, ka theksuar Lolita.

Deklarata e Lorenc Vangjelit trazon rrjetin/ Reagime të ashpra kundër

Deklarata e analistit ka revoltuar edhe eksperti i Shëndetit Publik, Erion Dasho.

"E papranueshme dhe e dënueshme deklarata e djeshme e tellallit të Boratit se "të sëmurët me kancer janë njerëz të dënuar me vdekje dhe se ata trajtohen njëlloj si në Tiranë, Paris dhe New York"!!!
O sharlatanë, gjithologë!
Merruni me lëpirjen se atë punë dini ta bëni siç duhet! Lëreni mjeksinë në punën e saj, sidomos në një fushë kaq delikate si trajtimi i të sëmurëve me tumor!
Në botën e qytetëruar që kujdeset për jetën dhe shëndetin e qytetarit dhe jo për xhepat e oligarkëve, të sëmurët me tumor konsiderohen prej vitesh të sëmurë kronikë dhe jetojnë një jetë të gjatë, të shëndetshme dhe dinjitoze!
Neveri për median kazan që u jep hapësirë sharlatanëve...", ka nënvizuar mjeku./ CNA

Deklarata e Lorenc Vangjelit trazon rrjetin/ Reagime të ashpra kundër

Deklarata e Lorenc Vangjelit trazon rrjetin/ Reagime të ashpra kundër





Lajmet e fundit nga