web counter
LEXO PA REKLAMA!

SHKARKO APP

App Store
Google Play

E fundit!

x

Berisha, për ngjarjet në MEK/ “PD nuk toleron masakrën në Manëz”

20 Qershor 2023, 14:20, Aktualitet CNA

Berisha, për ngjarjet në MEK/ “PD nuk toleron masakrën

Ish-kryeministri Sali Berisha ka dënuar ndërhyrjen e policisë në kampin e MEK-ut në Manëz të Durrësit.

Berisha nuk përjashton parregullsitë brenda kampit nga ana e muxhahedinëve, por shton se policia ka kryer një masakër dhe kjo është e patolerueshme.

Ndër të tjera, ish-kryeministri shprehet se akuzat e formuluara nga prokuroria apo policia kërkojnë hetim dhe gjykim, por kjo s’mund të bëhet reprezale ndaj refugjatëve iranianë me strehë në Shqipëri.

“Partia Demokratike është një parti, e cila dënon terrorizmin ngado që vjen. Nuk përjashtohen mundësitë që brenda muxhahedinëve të ketë dhe të infiltruar, terroristë, të deleguar apo të dërguar të regjimit të Ajatollahëve, por PD nuk pranon kurrë ndëshkime kolektive dhe këtë që ka ndodhur sot, një masakër pothuajse e vërtetë në kampin e Manzës.

Akuzat e formuluara nga prokuroria apo policia, sigurisht kërkonin hetim dhe gjykim, por kjo nuk mund të bëhej kurrë me një reprezalje masive ndaj refugjatëve iranianë me strehë në Shqipëri.

Unë informoj shqiptarët gjithashtu se sulmet kibernetike nga regjimi i Ajetollahëve janë një e vërtetë dhe realitet i pamohueshëm në vlerësimin tim. Por informoj shqiptarët gjithashtu se para këtyre sulmeve, nuk ishte Garda Revolucionare e Ajatollahëve, as zbulimi i tyre që sulmoi sistemet dixhitale shqiptare, por i sulmoi Edi Rama me falangat e tij të krimit, që nxori në treg të gjitha të dhënat për punonjësit e SHISH, duke nxjerrë kështu në publik, të dhëna sekrete për këtë shërbim, duke dëmtuar jo vetëm interesat e tij, por edhe të shërbimeve sekrete të NATO-s në tërësi.

PD informon shqiptarët se nuk ishin Ajatollahët që nxorën në treg, pagat e shqiptarëve, targat e shqiptarëve, por ishin falangat e krimit të Edi Ramës që e bënë këtë, kohë më parë se hakerët e Pasdaranit të ndërhynin në sistemet tona.

Ishte Edi Rama dhe qeveria e tij që lëshoi në duart e patronazhistëve, të dhënat personale të mbi 1 mln shqiptarëve, të depozituara me besim të plotë te qeveria e tyre armiqësore”, është shprehur Berisha./ CNA





Lajmet e fundit nga