web counter
LEXO PA REKLAMA!

SHKARKO APP

App Store
Google Play

Ngjarja në kampin e MEK/ Reagon Ministria e Brendshme: Nuk ka pasur viktima gjatë operacionit

20 Qershor 2023, 12:52, Aktualitet CNA

Ngjarja në kampin e MEK/ Reagon Ministria e Brendshme: Nuk ka pasur

Ministria e Brendshme ka reaguar në lidhje me ngjarjen në kampin e MEK, duke deklaruar se gjatë operacionit nga policia e shtetit nuk ka pasur vitkima.

Në njoftim thuhet se, nëse ka një humbje jete në spitalin e vendqëndrimit të tyre po bëhen të gjitha verifikimet procedurale.

Sipas deklaratës operacioni është zbatuar me urdhër të SPAK dhe vendimit të Gjykatës së Posaçme kundër Korrupsionit dhe Krimit të Organizuar.

"Operacioni i sotëm i Policisë së Shtetit në vendqëndrimin e MEK në Manëz të Durrësit është në zbatim të plotë të urdhrit të SPAK-ut dhe vendimit të Gjykatës së Posaçme kundër Korrupsionit dhe Krimit të Organizuar.

Vendimi i Gjykatës është pasojë e veprimeve që bien haptazi ndesh me marrëveshjen dhe angazhimet e marra nga grupimi MEK prej vitit 2014 kur u vendosën në Shqipëri vetëm për qëllime humanitare. Fatkeqësisht ky grupim nuk u është përmbajtur këtyre angazhimeve duke thyer marrëveshjen. Ndërhyrja e Policisë së Shtetit ka qenë konform ligjit dhe në zbatim korrekt të procedurave që kërkojnë operacione të tilla. Veprimet e Policisë së Shtetit për zbatimin e ligjit janë kryer si në çdo pjesë tjetër të territorit të Republikës së Shqipërisë.

Fatkeqësisht brenda kampit ka pasur rezistencë ndaj kryerjes së punës së Policisë së Shtetit, çka bie ndesh me kuadrin procedural të zbatimit të ligjit. Bazuar në të dhënat e Policisë së Shtetit, gjatë operacionit nuk ka pasur humbje jete dhe as të lënduar. Për çdo pretendim për humbje jete në spitalin e vendqëndrimit të tyre po bëhen të gjitha verifikimet procedurale", thuhet ne njoftim./ CNA





Lajmet e fundit nga