web counter
LEXO PA REKLAMA!

SHKARKO APP

App Store
Google Play

"Ziliqare"/ Berisha ia thotë në sy Spiropalit/ Nikolla i ndërpret fjalën: Ke urrejtje ndaj vajzave

14 Shtator 2023, 11:38, Aktualitet CNA

"Ziliqare"/ Berisha ia thotë në sy Spiropalit/ Nikolla i

Debate në seancën plenare të së enjtes me ish-kryeministrit Sali Berisha, ministres Elisa Spiropali dhe kryetares së Kuvendit, Lindita Nikolla. 

Gjatë fjalës së tij në Kuvend, Berisha e ka quajtur Elisa Spiropalin ziliqare. Madje ai e krahasoi sjelljen e Spiropalit me stadin e tretë të klasifikimit të sjelljes sipas Frojdit që përkon me moshën 3 deri 5 vjeç. 

“Edi Rama i zgjedh me kokrra ministrat. Pse nuk bëhen diskutime t’u thuhet qytetarëve çfarë përfaqësojnë. Do t’i them dy fjalë kësaj Elisës. Elisa, ke përdorur një term jo të fisëm, por nuk merrem me të se ti kërkon të bie në vulgaritet, por nuk bie. Unë jam mjek dhe mjekët e dinë se Frojdi në klasifikimin e zhvillimit psiko-social ka gjetur se ky zhvillim kalon në tri stade. Stadi i tretë është stadi falik dhe stadi falik shfaqet në moshën 3 deri 5 vjeç. Disa e kalojnë dhe disa mbeten dhe disave u krijohet kompleksi i Edipit edhe kjo është e njohur tek Edi Rama. Ky kompleksi i stadit të tretë u ndodh edhe vajzave. Problemi është se Frojdi e quan këtë, zilia falike te vajzat", u shpreh Berisha. 

Menjëherë ndërhyri Nikolla duke i thënë Berishës se nuk do të tolerojë gjuhën e urrejtjes ndaj grave dhe vajzave dhe i ndërpreu fjalën Berishës. 

"Një fjalor aspak etik që e ka bazën tek urrejtja ndaj grave dhe vajzave. Fjala për Spiropalin", u shpreh Nikolla. / CNA





Lajmet e fundit nga