web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni antidrogë në të gjithë vendin/ Detajet, dhjetëra të arrestuar, sekuestrohet kokainë dhe kanabis

14 Shtator 2023, 10:05, Aktualitet CNA
Megaoperacioni antidrogë në të gjithë vendin/ Detajet,
Foto ilustruese

Policia ka kryer një megaoperacion antidrogë në të gjithë Shqipërisë, përkatësisht në qytetet Tiranë, Durrës, Shkodër, Fier, Elbasan, Korçë dhe Sarandë.

Mësohet se janë lëshuar mbi 120 urdhër-arreste dhe janë sekuestruar rreth 3 kg kokainë dhe lëndë narkotike kanabis.

Urdhër-arrestet janë lëshuar nga Prokuroritë e Tiranës, Durrësit, Fierit dhe Elbasanit.

Në aksion janë përfshirë edhe forcat RENEA, FNSH, dhe qindra efektivë të tjerë.

Gjithashtu në sajë të këtij operacioni janë kryer kontrolle nga ajri dhe toka. Hetimet për këtë operacion kanë nisur 6 muaj më parë dhe aksioni vijon ende.

Në Korçë janë arrestuar mbi 18 persona për shpërndarje të lëndës narkotike, por edhe prodhues të kësaj lënde.

Mes të arrestuarve ka dhe vajza dhe një oficer policie në Elbasan është vënë në pranga.

50 persona janë arrestuar në Vlorë dhe 5 persona janë arrestuar në Sarandë. 20 persona janë arrestuar në Durrës në kuadër të operacionit antidrogë që po zhvillohet në disa qytete të vendit.

Në Elbasan bëhet me dije se janë arrestuar 7 persona dhe 5 të tjerë janë në kërkim. Ndërsa në Tiranë janë shoqëruar 70 persona.

Për të dhënë detajet, në orën 11:30, në ambientet e Drejtorisë së Përgjithshme të Policisë së Shtetit, do të zhvillohet një konferencë për shtyp, për rezultatet e megaoperacionit antidrogë mbarëkombëtar./ CNA

 





Lajmet e fundit nga