web counter
LEXO PA REKLAMA!

SHKARKO APP

App Store
Google Play

E fundit!

x

Banorët bllokojnë rrugën në hyrje të Thethit/ Përplasen me policinë

9 Korrik 2025, 09:26, Aktualitet CNA

Banorët bllokojnë rrugën në hyrje të Thethit/

Banorët e Thethit, ashtu siç kishin paralajmëruar, kanë dalë mëngjesin e kësaj të mërkure në protestë kundër aksionit të IKMT për prishjen e objekteve pa leje të nisur prej së hënës. Ata kanë bllokuar urën në hyrje të fshatit, e cila të lidh me qytetin e Shkodrës, ndërkohë që prezente janë edhe forca të shumta të policisë.

Me lot në sy banorët kërkojnë ndihmë nga institucionet, pasi, sipas tyre, ndërtimet janë të gjitha druri dhe në tokën e të parëve.

"Kisha 5 shtëpi druri pa beton, pa asgjë, gjithë jetën me borxhe. Kemi kërkuar leje, por thonë nuk bën, duhet me prit. Toka është e imja nuk është e blerë, e kemi brez pas brezi. Kërkojmë ndihmë nga shteti të mos na i prishë. Unë jam i sëmurë fizikisht dhe është e vetmja mënyrë për të fituar bukën e gojës. Vetë ka thënë shteti kthehuni investoni, e tani na i prish", tha një banor.

 

Të çuditur nga ajo çfarë po ndodh, protestës i janë bashkuar edhe turistë të shumtë të cilët kërkojnë paqe për këtë vend të bekuar nga natyra.

"Ne jemi bashkuar me to në këtë protestë".

"Ne jemi këtu, ishim duke u kënaqur me natyrën e bukur. Jemi kundër sjelljes së shtetit në këtë mënyrë".

 

Protestat e banorëve vijnë pasi IKMT do të shembë 40 objekte në të gjithë fshatin. Të hënën u hoqën në zemër të Thethit edhe 12 kabina të vendosura pa leje, pas denoncimit të kryeministrit Edi Rama se ishin vënë në kundërshtim me ligjin dhe se prokuroria e Shkodrës s’kishte nisur hetim.

Banorët nga ana tjetër janë të vendosur në përshkallëzim të protestës së tyre.





Lajmet e fundit nga