web counter
LEXO PA REKLAMA!

SHKARKO APP

App Store
Google Play

Avokati i Salianjit: Vendimi në Strasburg do të merret para zgjedhjeve të 2029-ës

8 Korrik 2025, 22:08, Aktualitet CNA

Avokati i Salianjit: Vendimi në Strasburg do të merret para zgjedhjeve

Një nga përfaqësuesit ligjorë të ish-deputetit të PD, Redi Ramaj u shpreh sot lidhur me procesin gjyqësor të Ervin Salianjit.

I ftuar në emisionin ‘Log.’, Ramaj tha se Salianji përfitoi uljen e dënimit si gjithë shqiptarët.

Ramaj deklaroi se vendimi për pafajësinë e Salianjit në Strasburg do të merret para vitit 2029.

“Presim zbardhjen e vendimit të Apelit për ta çuar në Gjykatë Kushtetuese. Për çdo qytetar është një e drejtë kur merr një dënim me përfundimin e një periudhe të caktuar të dënimit, me 2/3, këtë të drejtën për të kërkuar lirimin para kohe me kusht për pjesën tjetër të dënimit.

Prej 27 majit, ishte afati që mund të kërkonte lirimin me kusht. Iu drejtua gjykatës së Fierit, në bazë të ligjit, u vendos nga gjykata, duke parë dokumentacionin përkatës fakti që nuk ka qenë dënuar më parë, njeri i parrezikshëm.

Si një e drejtë, ai e ushtroi këtë të drejtë dhe gjykata ia njohu. Përfitoi si gjithë shqiptarët. Pati vonesa. Më 27 maj u dha kërkesa, vendimi u dha sot më datë 8. Vendimi u dha një muaj e pak. Gjykata krijoi bindjen dhe dha vendimin. Lirimi para kohe nuk lidhet me dënimin themeli që mori zoti Salianji.

Presim zbardhjen e vendimit të Apelit për ta çuar në Gjykatë Kushtetuese. Mendoj se vendimi për pafajësinë në Strasburg do të merret para 2029”, -Ramaj./CNA

 

 

 

 





Lajmet e fundit nga