web counter
LEXO PA REKLAMA!

SHKARKO APP

App Store
Google Play

Dumani: Çdo përpjekje për të cenuar pavarësinë e SPAK-ut rrezikon të zhbalancojë kufijtë kushtetues

8 Korrik 2025, 13:37, Aktualitet CNA

Dumani: Çdo përpjekje për të cenuar pavarësinë e

Kreu i SPAK-ut, Altin Dumani, ka qenë pjesë e tryezës me temë “Vlerësimi i Arkitekturës Institucionale në funksion të Performancës dhe Integritetit të Prokurorisë së Posaçme: Garancitë për Pavarësi dhe Mekanizmat e Llogaridhënies”.

Dumani është shprehur se çdo përpjekje për të cenuar pavarësinë funksionale nëpërmjet rekomandimeve të paqarta ose të njëanshme rrezikon të zhbalancojë kufijtë kushtetues midis pushteteve.

Kreu i SPAK-ut nënvizoi se duke respektuar ndarjen e pushteteve dhe rolin e institucioneve te pavarura, mund të ruajmë balancën kushtetuese.

“Ndërhyrjet që mbajnë karakter konstruktiv janë të mirëpritura kur janë të argumentuara mirë dhe adresojnë nevojat reale për përmirësim, por çdo përpjekje për të cenuar pavarësinë funksionale nëpërmjet rekomandimeve të paqarta ose të njëanshme rrezikon të zhbalancojë kufijtë kushtetues midis pushteteve.

Në thelb s’kanë rol detyrues për SPAK-un, por orientues dhe mbështetës. Duke respektuar ndarjen e pushteteve dhe rolin e institucioneve të pavarura, mund të ruajmë balancën kushtetuese.

Vërejtja se ekzekutivi të kufizojë ndikimin në sfera administrative dhe jo më tej është e drejtë dhe përputhet me parimet kushtetuese”, ka deklaruar kreu i SPAK-ut, Altin Dumani, ndërsa theksoi se do të vazhdojë të bashkëpunojë ngushtësisht me institucionet e drejtësisë./ CNA





Lajmet e fundit nga