“Kemi përmbushur të gjitha rekomandimet”/ Altin Dumani: Bashkëpunojmë ngushtë me institucionet e drejtësisë

8 Korrik 2025, 11:22, Aktualitet CNA

“Kemi përmbushur të gjitha rekomandimet”/ Altin Dumani:

Kreu i SPAK-ut, Altin Dumani, ka qenë pjesë e tryezës së diskutimit me temë “Vlerësimi i Arkitekturës Institucionale në funksion të Performancës dhe Integritetit të Prokurorisë së Posaçme: Garancitë për Pavarësi dhe Mekanizmat e Llogaridhënies”.

Gjatë fjalës së tij, kreu i SPAK-ut tha se sa u përket raporteve ka nevojë për përmirësim.

Dumani nënvizoi se sa i përket llogaridhënies, prokurorët e posaçëm japin llogari tek ILD.

Po ashtu theksoi raportimin e mirë të SPAK-ut me KLP-në.

Kreu i SPAK-ut, Altin Dumani, u shpreh se janë përmbushur të gjitha rekomandimet nga Kuvendi dhe Këshilli i Ministrave.

Ndër të tjera nënvizoi se SPAK-u do të vazhdojë bashkëpunimin ngushtësisht me institucionet si ILD apo KLP.

“Ka nevojë për përmirësim dhe ne e kemi reflektuar këtë duke përmirësuar përmbajtjen e raporteve në KLP dhe Kuvend. Jemi të hapur të mirëpresim dhe mendime si mund të përmirësojmë raportimin. Parashikimet ligjore janë të qarta. Përpiqemi t’u përmbahemi atyre.

Sa i takon llogaridhënies do të përmend raportin me ILD-në. ILD ka ushtruar kontroll në Prokurorinë e Posaçme.

Kemi përmirësuar vërejtjet. Gjithashtu në dijenin time Prokurorët e Posaçëm janë trajtuar nga ILD, prokurorët japin llogari tek ILD-ja.

Sa i takon KLP-së, kemi marrëdhënie të mirë, ka qenë instiutucion në mbështetje të SPAK-ut, kemi komunikuar aq sa ka kompetencë KLP dhe SPAK. Sa u takon rekomandimeve, ne jemi përpjekur të trajtojmë çdo kallëzim, po të shikojmë raportet, në raport do të gjeni me shpjegim si janë përmbushur rekomandimet e Kuvendit apo Këshillit të Ministrave.

Para se të finalizohet raporti për institucionin kemi një komunikim mes institutioneve dhe rekomandimet kanë qenë të lidhura me sferën që drejtoj, jemi gati të reflektojmë.

Raportet tona përmbajnë informacione edhe mosfillimin e procedimeve dhe ankimin e tyre në gjykatë.

Nuk ka një boshllëk, ka nevojë të jemi më transparentë në raportin vjetor, të përfshijmë më shumë të dhëna dhe argumente të mosfillimit të procedimit penal.

Do të punojmë ngushtësisht me KLP-në dhe ILD-në”, tha Dumani./ CNA