web counter
LEXO PA REKLAMA!

SHKARKO APP

App Store
Google Play

E fundit!

x

Aksioni për lirimin e hapësirave publike në Pogradec/ Hafesllari: Do të përballen me gjoba

7 Korrik 2025, 11:31, Aktualitet CNA

Aksioni për lirimin e hapësirave publike në Pogradec/ Hafesllari:

Këtë të hënë në shumë qytete ka nisur aksioni për lirimin e hapësirave publike të zaptuara kryesisht nga bizneset.

Drejtori i Agjencisë së Mbrojtjes së Territorit pranë Bashkisë së Pogradecit, Markel Hafesllari, bëri me dije se askioni do të jetë i vazhdueshëm.

Ai tha se ky aksion do të shtrihet në të gjithë qytetin e Pogradecit, përfshirë edhe zonën e Tushemishtit dhe shëtitoren.

Hafesllari ka theksuar se fillimisht po kontrollohen vetëm bizneset pa leje, por do të verifikohen të gjitha, edhe ato që kanë leje. Kush ka dalë jashtë kushteve të lejes, do të përballet me masa administrative deri në vendim për prishje nga ana e IMT-së.

“Agjencia e Mbrojtjes së Territorit ka ndërmarrë një aksion për lirimin e hapësirave publike në gjithë qytetin. Ky do të jetë një aksion i vazhdueshëm. U lutemi të gjithë qytetarëve të na kuptojnë dhe të lirojnë hapësirat publike, sepse në të kundërt do të merren masa administrative nga Policia Bashkiake.

Ky monitorim do të vijojë gjatë gjithë sezonit turistik, duke filluar nga sheshi 'Europa' dhe në të gjithë qytetin e Pogradecit.

Është lënë një paralajmërim, nuk i kanë hequr vetë objektet, ndaj ka ndërhyrë Policia Bashkiake në bashkëpunim me Inspektoratin për lirimin e hapësirës në sheshin 'Europa'. Nga verifikimet e Policisë Bashkiake, rezulton se nuk kanë pasur lejet përkatëse, ndaj është kryer ndërhyrja për largimin e tavolinave dhe çadrave.

Ky aksion do të shtrihet në të gjithë qytetin e Pogradecit, përfshirë edhe zonën e Tushemishtit dhe shëtitoren. Fillimisht po kontrollohen vetëm bizneset pa leje, por do të verifikohen të gjitha, edhe ato që kanë leje. Kush ka dalë jashtë kushteve të lejes, do të përballet me masa administrative deri në vendim për prishje nga ana e IMT-së."/ CNA





Lajmet e fundit nga