web counter
LEXO PA REKLAMA!

SHKARKO APP

App Store
Google Play

E fundit!

x

Abuzime me ujin, Task Forca zbret në terren/ Velipoja në fokus të kontrolleve, apel drejt bizneseve

5 Korrik 2025, 15:22, Aktualitet CNA

Abuzime me ujin, Task Forca zbret në terren/ Velipoja në fokus të

Velipoja ka qenë në fokus të kontrolleve këtë fundjavë nga Task Forca e shoqërisë rajonale të Ujësjellës Kanalizime në Shkodër në bashkëpunim edhe me Task Forcën e Agjencisë Kombëtare të Ujësjellësit. Qëllimi kryesor është sensibilizimi i të gjithëve pronarëve të hoteleve dhe subjekteve të tjera në Velipojë në lidhje me mosshpërdorimin e ujit të pijshëm.

Alma Zenelhasani, inspektore e Task Forcës, tha se këto kontrolle zhvillohen edhe për goditjen e paligjshmërisë për lidhjet e dyta apo edhe mbledhjen e debive për detyrimet e pashlyera ndër vite.

“Ne si Task Forcë e AKUK, në mbështetje edhe të Task Forcës së Shkodrës jemi në Velipojë për të mbikëqyrur të gjitha lidhjet e paligjshme, për të monitoruar humbjet në rrjet dhe për të monitoruar edhe mbledhjen e debive në mënyrë të tillë që të sensibilizohet popullsia dhe që të mos shpërdorohet uji në këtë sezon shumë të nxehtë”, deklaroi Zenelhasani.

Inspektorja e Task Forcës ka edhe një apel për të gjitha subjektet që të hapin kontratat e reja në rast se nuk i kanë me qëllim formalizimin si dhe shmangien e masave administrative…

“Duke qenë të pranishëm në terren u bëjmë thirrhe të gjithë abonentëve dhe subjekteve tregtare që ushtrojnë aktivitet ekonomik në vijën bregdetare që të bëhet i mundur i gjithë formalizimi i rrjetit në mënyrë të tillë që të shmangen masat administrative. Këto lloj monitorimesh do të vijojnë në gjithë Qarkun Shkodër përgjatë gjithë sezonit veror”, tha inspektorja e Task Forcës.

Task Forca e ujësjellësit Shkodër së bashku me grupet e AKUK nga Tirana do të vijojnë këto kontrolle pa ndërprerje në të gjitha zonat turistike të Qarkut Shkodër me qëllim ndalimin e të gjitha shkeljeve të mundshme në rrjetin e ujësjellësit./ CNA





Lajmet e fundit nga