web counter
LEXO PA REKLAMA!

SHKARKO APP

App Store
Google Play

E fundit!

x

Bushati: Historia e ‘Bankers Petroleum’ ndërthur fijet e errëta të shtetit dhe korrupsionit

4 Korrik 2025, 20:34, Aktualitet CNA

Bushati: Historia e ‘Bankers Petroleum’ ndërthur fijet e

Analisti Andi Bushati tha sot se çështja e ‘Bankers Petroleum’ nuk është çështje evazioni fiskal, por është çështje bashkëpunimi me zyrtarët shtetërorë që duhet ta kontrollonin.

Në një dalje televizive, Bushati u shpreh se situata e ‘Bankers Petroleum’ është pak a shumë e ngjashme si historia e inceneratorit.

“Nuk mund të japësh një pasuri dhe të presësh 2 dekada me radhë pa marrë asgjë në këmbim, kjo tregon, minimumi, se nuk është çështje evazioni fiskal por është çështje bashkëpunimi i Bankers me zyrtarët shtetërorë që duhet ta kontrollonin, është pak a shumë e ngjashme si historia e inceneratorit.

Që incenerator nuk kishte dhe asnjë zyrtar që kishte për detyrë të kontrollonte si po bëhet, si kanë shkuar punimet, ku kanë shkuar paratë e derdhura, bënte sikur nuk e shihte çfarë po ndodhte;
Dhe në këtë kuptim, kjo nuk është thjesht një histori evazioni fiskal, është një histori korrupsioni nga shteti i cili e ka lejuar në mënyrë të ndërgjegjshme këtë vjedhje.

Sa më shumë të gërmojmë, aq më shumë gjëra të errëta do dalin nga kjo histori.

Pra ata që ne i konsiderojmë si baballarët e reformës në drejtësi, kanë qenë shkak që këtu të vazhdojë vjedhja.
Prandaj them që historia e Bankers është një histori që ndërthur të gjitha fijet e errëta jo vetëm të shtetit shqiptar por mënyra si janë korruptuar diplomatët, mënyra si funksionon në një shoqëri të kapur relacioni private me publiken, ku asnjëherë publikja ose ato që duhet të mbrojnë interesin publik, nuk bëjnë detyrën e tyre por e shfrytëzojnë postin publik për t’u pasuruar për vete”,-tha Bushati./CNA





Lajmet e fundit nga