web counter
LEXO PA REKLAMA!

SHKARKO APP

App Store
Google Play

E fundit!

x

Lirohet Jamarbër Malltezi

7 Korrik 2025, 12:29, Aktualitet CNA

Lirohet Jamarbër Malltezi

Gjykata e Posaçme ka liruar nga masa "arrest shtëpie" Jamarbër Malltezin.

Malltezit i është caktuar garancia pasurore 3 milionë lekë.

“Ka mbi 20 muaj që kjo ishte një farsë politike, ishte një urdhër politik.

Nuk kemi të bëjmë me një shtet ligjor, kemi të bëjmë me një shtet i cili lufton armiqtë e partisë socialiste, njëlloj si në ’45.

Vendimi i sotshëm vjen pas mbi 20 muajsh privim lirie, vetëm me një urdhër politik të Edi Ramës.

E mbajmë mend se si në kongresin e PS Rama urdhëroi publikisht SPAK të procedojë penalisht Sali Berishën.

Të njëjtën gjë i kanë kërkuar edhe diplomatë të korruptuar amerikanë si Yuri Kim apo Gabriel Escobar.

Prandaj kemi të bëjmë me një proces politik por që akoma më tej u ndot gjatë rrugës.

Këtu keni 16 letra, sapo Edi Rama urdhëroi SPAK të veprojë kundër Sali Berishës, i dha komandën ‘s’kape’, SPAK kërceu.

16 kërkesa brenda muajit, ja ku i keni këtu.

Një nga këto kërkesa ia ka bërë Institutit të Sigurimeve Shoqërore me emër, mbiemër, numër personal të të gjithë familjes sime dhe të fëmijëve të mi, duke kërkuar të dhëna të 30 viteve të fundit, që kur fëmijët e mi nuk kishin lindur ende.

Ju kujtoj se në këtë kohë nuk ishte regjistruar emri i personave nën hetim, por këtu janë me emër, mbiemër e me numra personalë.

Kjo tregon se kemi një proces me urdhër politik por dhe të ndodhur. Pse?

Sepse Irena Gjoka ishte në kushtet ku nuk legjitimohej për të qenë gjyqtare dhe pse KLGJ e ka me detyrim, ne duhet të veprojmë për 15 ditë, ka 16 muaj që nuk veprojnë”, tha Malltezi./ CNA





Lajmet e fundit nga