web counter
LEXO PA REKLAMA!

SHKARKO APP

App Store
Google Play

Dita e Ashures/ Baba Mondi: Lutemi që njerëzimi të gjejë paqen, të marrin fund luftërat

8 Korrik 2025, 12:06, Aktualitet CNA

Dita e Ashures/ Baba Mondi: Lutemi që njerëzimi të gjejë

Sot në Kryegjyshatën Botërore të Bektashinjve është zhvilluar ceremonia e festës së “Ditës së Ashures”.

Kryegjyshi i Bektashinjve, Baba Mondi, shprehu lutjen që njerëzimi të gjejë paqe, të ecë drejt zhvillimit dhe demokracisë e të marrin fund luftërat dhe konfliktet.

“Pas 10 ditësh agjërim në nder të 72 martirëve të rënë në muret e Qerbelasë. Ditë e veçantë për të gjithë bektashinjtë. Profeti na tregon se Muharremi është një muaj i shenjtë e për pasojë mëkati peshon më shumë dhe e mira vlerësohet më shumë.

Dita e zezë e përkujtimit të Qerbelasë ndodh sot për të na kujtuar se përpjekjet për liri e demokraci janë detyrë edhe sot, e jona dhe udhëheqësve që drejtojnë botën. Lutemi që njerëzimi të gjejë paqe, të ecë drejt zhvillimit dhe demokracisë e të marrin fund luftërat dhe konfliktet.

Sytë tanë duhet të drejtohen drejt lutjes për Zotin. Të lutesh me frikën nga ndëshkimi, është adhurim i skllavit, të lutesh duke falënderuar bekimet, është adhurim i personave superiorë dhe të lirë. Kur adhuron për veprimet e tyre çnjerëzore, tregon se janë në udhëheqjen e djallit”, u shpreh Baba Mondi./ CNA





Lajmet e fundit nga