web counter
LEXO PA REKLAMA!

SHKARKO APP

App Store
Google Play

E fundit!

x

“30 milionë euro fond për bujqësinë”/ Malaj: Do të miratojmë skemën e re të Garancisë Sovrane

8 Korrik 2025, 13:17, Aktualitet CNA

“30 milionë euro fond për bujqësinë”/ Malaj: Do

Ministri i Financave, Petrit Malaj, në një deklaratë për mediat ka bërë me dije se do të miratohet skema e re e Garancisë Sovrane që për herë të parë do të mbështesë sektorin e bujqësisë me një fond prej 30 milionë eurosh.

“Potenciali në këtë sektor ekziston, sikundër edhe vullneti. Së bashku duhet të nxisim rritjen e aksesit në financë. Vitet e fundit, qeveria shqiptare përmes katër garancive sovrane, ka mbështetur sektorë të ndryshëm të ekonomisë. Ne do të miratojmë një skemë të re Garancie Sovrane që për herë të parë do mbështesë sektorin e bujqësisë me një fond prej 30 milionë eurosh.

Vetëm përmes një pjesëmarrjeje të gjerë dhe të organizuar të biznesit të vogël dhe të mesëm, të mbështetur nga një sistem bankar më aktiv dhe më proaktiv, do të mund të sigurojmë një shtrirje reale dhe efektive të kësaj nisme, duke garantuar që fondet të shkojnë aty ku ka më shumë nevojë dhe ku ndikimi është më i madh.

Qeveria shqiptare, veçanërisht Ministria e Financave, është e angazhuar të krijojë mjedisin e duhur financiar, ligjor dhe rregullator me qëllim nxitjen e investimeve në sektorët prioritarë të zhvillimit ekonomik. Garancia Sovrane për Bujqësinë është vetëm një nga hapat dhe suksesi i saj varet nga angazhimi i secilit prej nesh.

Unë shpreh bindjen e plotë se duke punuar së bashku do të mund të ndërtojmë një model të ri zhvillimi i cili do të na shërbejë për ta bërë bujqësinë tonë më konkurruese, në kuadër edhe të procesit të integrimit europian", tha ministri./ CNA





Lajmet e fundit nga