“Është i humbur politikisht”/ Fundo: Nëse Veliaj do të dorëhiqej, do të ishte më dinjitoze

8 Korrik 2025, 17:50, Aktualitet CNA

“Është i humbur politikisht”/ Fundo: Nëse Veliaj do

Gazetari Elvi Fundo ndau sot qëndrimet e tij lidhur me çështjen ndaj kryebashkiakut të arrestuar të Tiranës, Erion Veliaj.

Në një intervistë në ‘Syri Tv’, Fundo u shpreh edhe lidhur me vendimin e sotëm të Gjykatës së Lartë, që la në fuqi vendimin e Apelit të GJKKO-së dhe gjyqtarit Engert Pëllumbi për masën e sigurisë ‘arrest me burg’.

“Janë përdorur strategji të ndryshme. U sulmuan personalisht dhe familjet e prokurorit Ols dado, gjyqtarit Erion Bani dhe Engert Pëlllumbi. Ishin dy alternativa, të mos pranohej rekursi ose të trajtohej çështja. Është parë vendimi i dhënë nga Engert Pëllumbi, e kam lexuar dhe them se është leksion mbi të drejtën penale. Ai ka dhënë një praktikë të shkëlqyer ligjore dhe që gjykata të jepte drejtësi. Sot kemi pasur drejtësi edhe për Ardit Gjoklajn, edhe për incenetarorët, edhe për të tjera. Them se ky është një vendim i drejtësisë”,-tha Fundo.

I pyetur se çfarë do të ndryshonte nëse Veliaj do të jepte dorëheqjen, Fundo tha se do të ishte më dinjitoze, edhe pse Veliaj është tashmë i humbur politikisht.

“Erion Veliajn e pamë se nuk e jep dorëheqjen. Ai u thirr 3 herë në SPAK dhe nuk u paraqit. Filloi sulme nën rrogoz ndaj Ols Dados. Jo vetëm që nuk dha dorëheqje, por filloi edhe sulme. Nëse do e bënte, do ishte më dinjitoze. Tashmë është edhe i humbur politiksht. Hetimet vijnë nga deponimet, hetimet e thelluara dhe në dijeninë timë prokurorët duhet ta çojnë zyrtarisht në akuzë. Nëse do kishte një fije dinjiteti do e jepte edhe sot. Mendoj se do e japë kur t’ia kërkojë Edi Rama”,-tha Fundo.

Sipas Fundos, nëse Veliaj do të lirohej e pas kësaj do të rikthehej në detyrë, kjo do të ishte një katastrofë për drejtësinë.

“Nëse do lirohet e do rikthehet, do ishte katastrofë në drejtësi. Pavarësisht problematikave, sot fitoi një reformë qe është një themel i fortë. Nëse do shkonte sot në zyrë, është si të ishte një hajdut që do shkonte në skenën e krimit. Ka një kryetare bashkie që është e komanduar, nuk e di sa më e aftë apo e më ndërshme se Veliaj është dhe shohim që kryeministri Rama ka braktisur detyrat e tij dhe bën punën e bashkisë”,-theksoi Fundo./CNA