web counter
LEXO PA REKLAMA!

SHKARKO APP

App Store
Google Play

“PD nuk është e ndarë”/ Ristani: Ja deri kur do të ekzistojë Komisioni i Rithemelimit

23 Maj 2022, 18:05, Politikë CNA

Anëtari i Këshillit Kombëtar të PD-së, Arben Ristani, komentoi rizgjedhjen e Sali Berishës në krye të selisë blu, pas 9 vitesh. Ristani në një intervistë për “Syri” deklaroi se Partia Demokratike po përmbyll fazën e rithemelimit të saj dhe kjo fazë po çon drejt zgjidhjes së krizës që përfshiu PD-në.

“PD-ja nuk është e ndarë. Vihet re një ndarje në grupin parlamentar të PD-së, por ndarje e cila reflektohet shumë pak ose aspak në bazën e PD. Partia Demokratike është e rithemeluar me një proces që duhet të reflektojë në shoqërinë shqiptare se ishte një proces i hapur, demokratik dhe në themel u vendos vota e lirë.“-tha Ristani.

Më tej ai u shpreh se Komisioni i Rithemelimit do të vazhdojë të ekzistojë deri në zgjedhjen e Kryesisë së PD-së.

“Statuti i PD parashikon që është kreu i partisë propozon përbërjen e Kryesisë së PD-së, dhe këtë propozim ia bën Këshillit Kombëtar. Prandaj u zgjat koha e punës e Komisionit të Rithemelimit deri në zgjedhjen e Kryesisë së re.?-bëri me dije Ristani.

Sa i përket përqindjes së votuesve për zgjedhjen e kryetarit të ri të PD-së, krahasuar me pjesëmarrjen në zgjedhjen e Bashës një vit më parë, Ristani deklaroi se kishte një pjesëmarrje pothuajse në vijë lineare nga referendumi që u zhvillua për largimin e Bashës.

?Për zgjedhjen e Berishës, diku te 43 mijë pjesëmarrës. Pjesëmarrje e mirë, shumë e madhe, pjesëmarrje e konfirmuar nga zgjedhjet në zgjedhje, si të thuash pjesa aktive e partisë, e anëtarëve të partisë.?-tha Ristani./CNA.al





Lajmet e fundit nga