Demokrati 'shpërthen' ndaj Ramës/ "Po të mos ishte Partia e Punës ti dhe Olsi do të shpërndanit çadra në Dhërmi"

23 Maj 2022, 18:27, Politikë CNA

Deputeti i Partisë Demokratike, Tomor Alizoti, kërkoi që PS-ja të shkëputet nga krimet e komunizmit. Alizoti tha se PS-ja duhet t’i kishte nderuar figurat e kryengritjes më të ashpër ndaj diktaturës, asaj të Qafë-Barit.

Ai tha se kur vetë jetonte në kasolle i internuar, Rama ishte në mes të Tiranës, ndërsa u shpreh se Rama ka pasur privilegjet e Partisë së Punës, ndërsa mori duartrokitjet e deputetëve demokratë.

?Kur unë jetoja në kasolle ju ishit në mes të Tiranës. Jo se kishit faj. Shqipëria duhet të respektonte, Pal Sokolin? Po të mos ishte partia e punës ju dhe Olsi do të shpërndanit çadra në Dhërmi dhe Vuno. Ju të paktën duhet për dy fisnikë që sfiduan diktaturën, t’i nderonit. Sepse kjo parti e majtë është pronë kombëtare duhet të shkëputet nga krimet e komunizmit, por edhe arroganca juaj. Kjo arroganca juaj ndonjëherë ju bën edhe injorant. Refuzoj që t?ju dëgjoj, dhe do të iki të pi një kafe për qefin tim?, -tha Alizoti.

Kryeministri Edi Rama ka replikuar duke i thënë se një nga të këqijat më të mëdha që la komunizmi, është se sot edhe antikomunistët flasin njëlloj si komunistët. Rama theksoi se kur ai dhe Ardian Klosi kërkuan rishikimin e Enver Hoxhës dhe lirimin e të burgosurve politikë, Berisha tha ata që kërkojnë lirimin e të burgosurve nuk meritojnë të jenë në PD, pasi kërkojnë lirimin e llumit të shoqërisë.

?Iku zoti Tomorr se këtë bën gjithmonë, por një nga gjërat që komunizmi bëri për fat të keq, është se i bëri si veten edhe antikomunistët. Të shash tjetrin dhe të merresh me tjetrin kur tjetri merret me argumentin është mungesë argumenti. Të thuash që ne na vratë ju, është njësoj siç thonin komunistët për ata që vranë. Ndryshimi është se sot nuk është mundësia për të marrë hak për të vrarë, se në mos Alizoti do të gjente një tjetër për të bërë të njëjtën gjë. Ndërsa faktet nuk lëvizin janë aty. Unë do ta dëgjoja me vëmendje dhe me më shumë respekt dikë që minimalisht do ta kishte jetën e vet politike në koherencë me atë të kaluar të cilën e sjell për ta pasuruar personazhin e vet politik, por kjo koherencë nuk ekziston.

Atë i thashë zotit Leskaj, këtë do t’i thosha dhe Alizotit. Nuk është askush i detyruar të jetë hero, heronjtë janë të rrallë, ashtu sikundër askush nuk mban përgjegjësi nga vjen, dhe askujt nuk i ngarkohet përgjegjësi për nga vjen. Këtë bënë komunistët, këtë bën dhe Alizoti, kur thotë se ne aristokratët do të ishim ku do të ishim dhe ju të tjerët do të shpërndanit çadra, për cilën arsye. Unë di që kur unë së bashku me Ardian Klosin mblodhëm firmat për të parin peticion të nënshkruar në Shqipëri, që të rishikohej figura e Enver Hoxhës dhe të liroheshin të burgosurit politikë, 1 kopje e çuam te presidenca, tjetrën te Rilindja Demokratike, RD nuk e publikoi.

A ka ditë më pas kur u përplasa me non-gratën, më tha se ju nuk mund të vini në partinë tonë se ju doni të nxirrni rrugëve llumin e shoqërisë që janë të burgosurit politikë. Dhe RD nuk e publikoni se të burgosurit politikë ishin llumi. Ai zotëria që iku duhet të dijë se në këtë sallë vetëm një ka qenë sekretar i Enver Hoxhës. Çfarë poezie më reciton kur ti mban të vdekurin në krah?, tha Rama./CNA.al