web counter
LEXO PA REKLAMA!

SHKARKO APP

App Store
Google Play

E fundit!

x

Asnjë kandidat për President/ Digjet raundi i dytë, si do të procedohet në vijim

23 Maj 2022, 18:31, Politikë CNA

Asnjë kandidat për President nuk është depozituar as nga opozita dhe as nga mazhoranca. Sot ishte parashikuar që nëse do të kishte kandidatë, do të diskutohej në Komisionin e Ligjeve e më pas do të kalonte për votim në Parlament.

Duke qenë se asnjë forcë politike nuk ka depozituar kandidatë, raundi i dytë u dogj.

Tashmë, sipas Kushtetutës, pritet të mbidhet Konferenca e Kryetarëve për të caktuar datën për raundin e tretë.

Çfarë parashikon Kushtetuta për zgjedhjen e Presidentit?

Duke ju referuar ndryshimeve Kushtetuese të bëra në vitin 2008, parashikohet që në tri raundet e para Presidenti i republikës të zgjidhet me jo më pak se 84 vota, në mënyrë që të prodhohet një president konsensual, ndërkohë që në raundin e katërt dhe të pestë të zgjidhet me 71 vota.

Duke partë situatën aktuale politike, është e qartë se do të flitet për një emër të ri të Presidentit të Republikës vetëm në raundin e katërt, i cili ende nuk është vendosur se kur do të zhvillohet në Konferencën e Kryetarëve.

Ndërkohë që pritet që raundi i tretë të zhvillohet më 30 maj./CNA.al





Lajmet e fundit nga