web counter
LEXO PA REKLAMA!

SHKARKO APP

App Store
Google Play

E fundit!

x

Majko, kundër projektit për Butrintin/ Vë me “shpatulla pas muri” ministren

23 Maj 2022, 12:49, Politikë CNA

Deputeti i PS, Pandeli Majko, gjatë fjalës së tij sot në Kuvend ka shprehur rezervat e tij në lidhje me projektin e Butrintit.

Deputeti Majko ka kërkuar një përgjigje të detajuar nga ministrja e Kulturës, Elva Margariti, lidhur me projektin në fjalë, ndërsa shtoi se plani i menaxhimit që kanë bërë ndërkombëtarët është bërë mbi bazën e Vendimit të Këshillit të Ministrave të vitit 2002, ndërsa sipas tij qeveria si bazë legale të marrëveshjes ka marrë një VKM të miratuar në 2022-shin.

?Në planin e menaxhimit që kanë bërë ndërkombëtarët, merret vendimi i Këshillit të Ministrave i 2002-shit, ndërkaq ju si bazë legale të marrëveshjes keni marrë vendimin e VKM të miratuar në 2022-shin, dmth 2 muaj më parë.

E hapa këtë vendimin që zëvendëson 2002-shin, se të paktën mua kështu m’u duk, dhe aty ka vetëm një paragraf. Janë ndryshuar kufijtë e disa zonave.

Tani plani i menaxhimit, koncepti i marrëveshjes, gjithçka është bërë mbi vendimin e 2002-shit, ndërsa marrëveshja është bërë mbi bazën e një VKM-je që ka kaluar para dy muajsh.

Tani nuk e kuptoj pse nuk është trajtuar baza legale me të cilën dhe ndërkombëtarët kanë bërë planin e menaxhimit, edhe negociata janë bërë mbi këtë bazë legale, dhe keni marrë si bazë legale një VKM numër 59, ku ka vetëm një paragraf, ndryshohen kufijtë.

Çfarë ka ndodhur? Sepse në planin e menaxhimit ju diskutoni se do t?i jepni Fondit shqiptaro-amerikan, që pa diskutim është ndër më seriozët në Shqipëri, sipërfaqen e konsideruar A3, A3 është ndërtuar mbi bazën e VKM-së së 2002-shit, duke krijuar edhe një VKM tjetër, edhe në marrëveshje ju s?keni as A3, as B1? asgjë.

Vetëm keni bashkangjitur një hartë me koordinata, çfarë ka ndodhur? Do t?ju lutesha për përgjigje?, tha Majko./CNA.al





Lajmet e fundit nga