web counter
LEXO PA REKLAMA!

SHKARKO APP

App Store
Google Play

E fundit!

x

Meta në Kosovë/ Të jemi më të hapur e të bashkuar me njëri-tjetrin

23 Maj 2022, 11:41, Politikë CNA

Presidenti Ilir Meta ishte i pranishëm sot në Kosovë, në ceremoninë e organizuar në nderim të Kuvendit të Junikut, i cili u mbajt në Junik, në 21-25 maj 1912.

Gjatë fjalës së tij, Meta ka përcjellë mesazhe të forta, ndërsa theksoi se duhet të jemi më të bashkuar për interesat e përbashkëta.

?Çdo shqiptar krenohet me veprën e madhe e të lavdishme të atyre burrave që para 110 viteve lëshuan kushtrimin për liri dhe mbrojtjen e trojeve shqiptare nga pushimi 500-vjeçar osman dhe nga fqinjët grabitqarë.

Për 4 ditë dhe netë u diskutua për fillimin e një kryengritjeje të përbashkët për lirinë dhe pavarësinë e trojeve shqiptare.  

U lidh besa për çlirimin nga zgjedha 500-vjeçare osmane.

Treguesi më i qartë ishin dhe 12 pikat e dala nga ky Kuvend që u bënë dhe platforma e lëvizjes kombëtare që kulmoi më 28 nëntor 1912 në Vlorë.

Kosova, e lirë, e pavarur, sot është vend model për zgjedhjet, për demokraci, për respektimin e të drejtave të njeriut, të të drejtave të pakicave dhe që ecen drejt integrimit euroatlanatik.

Ne shqiptarët jemi krenarë që jemi kontribues të paqes dhe sigurisë në rajon. Por, duhet të jemi më të hapur e të bashkuar me njëri-tjetrin për interesat e përbashkëta?-tha Meta./CNA.al





Lajmet e fundit nga