web counter
LEXO PA REKLAMA!

SHKARKO APP

App Store
Google Play

E fundit!

x

Rrëfehet Kryemadhi/ Kur isha e vogël doja të bëhesha balerinë dhe austronaute

22 Maj 2022, 20:07, Politikë CNA

Kryetarja e LSI-së, Monika Kryemadhi, ka rrëfyer mbrëmjen e sotme pasionet që ka pasur në fëmijëri.

Kryemadhi tregoi se kur ka qenë fëmijë dëshironte të bëhej balerinë, ndërsa në moshën 7-8 vjeçare ëndërronte që kur të rritej të bëhej astronaute.

?Unë thoja do të bëhem balerinë, do të bëhem kërcimtare, do të bëhem valltare. Goca e xhajës me çunin e tezes shkonin te shtëpia e tezes që bënin kurs kërcimi, ndërsa unë i kam pasur pak fanatikë për hir të vërtetës prindërit dhe vëllain. Ne kemi qenë shumë pak vajza në farefis, vetëm 5 vajza dhe kanë qenë nja 40 e ca djem, kështu që na mbysnin në këtë aspekt. Unë kam qenë më e vogla.

Pastaj doja astronaute sepse ishte e vetmja gjë që në Shqipëri nuk e dinte njeri. Ka qenë nga mosha 7-8 vjeç dhe gjithmonë mbaja mend atëherë që na fusnin me detyrim për të larë dhëmbët në darkë, si të gjithë fëmijët dembelë. Kur ikte mami me shërbime nuk i laja dhëmbët dhe babi thoshte bëni çfarë të doni, vetëm kishte hallin e mësimeve dhe kështu ishte fitore e madhe.

Kanë qenë nja dy filma dhe dëgjuam jo NASA, jo në Hënë dhe ti fillon dhe aspiron si çdo fëmijë sot dhe mendoj se ka qenë një gjë shumë e mirë. Më pas filloi të më pëlqejë shumë botanika, biologjia dhe kimia. Kisha problem me gjuhën për hir të së vërtetës?, theksoi kryetarja e LSI-së në emisionin ?Dola te Ola?./ CNA.al





Lajmet e fundit nga