web counter
LEXO PA REKLAMA!

SHKARKO APP

App Store
Google Play

E fundit!

x

Raundi i dytë pa asnjë emër/ Agron Duka: S’ka konsensus, Presidentin do e zgjedhë mazhoranca

22 Maj 2022, 18:13, Politikë CNA

Kreu i Partisë Agrare Ambientaliste, Agron Duka ka folur pa flitra në lidhje me procesin e zgjedhjes së Presidentit, teksa palët politike nuk kanë dorëzuar asnjë emër në Kuvend edhe pse është mbyllur afati i raundit të dytë.

Në një intervistë për CNA.al, kreu i PAA komentoi propozimin e Dashamir Shehit si një kandidat nga ana e tij dhe e Fatmir Mediut.

Duka tha se deri më tani për Shehin nuk rëndon asnjë provë korrupsioni, ndërsa e cilëson këtë të fundit si njeri të ndershëm, me personalitet, integritet njerëzor dhe profesional.

?Emri i Zotit Shehi është njëri prej atyre që ne kemi diskutuar. Përse ky emër? Ne jemi përpjekur të gjejmë emra apo figura publike dhe politike, që nuk plotësojnë thjeshtë kriteret kushtetuese, por që plotësojnë ca kritere të tjera që nuk janë të shkruara në asnjë ligj, dhe që janë kriteret njerëzore. Siç janë ndershmëria, personaliteti, integriteti njerëzor dhe profesional etj.

Tani unë mund të bëjë një kundër pyetje: Përse jo Z.Shehi? Ka një jetë në politikë, ka qenë në funksione të larta drejtuese, dhe unë dua ti pyes të tërë publikisht tani: Kush ka një provë korrupsioni që rëndon mbi këtë njeri? Problemi më i madh që ne kemi sot është pikërisht korrupsioni, janë politikanët e vjetër që janë majmur me paratë e taksave të qytetarëve dhe të rinjtë që ecin në gjurmët e tyre, dhe nxitojnë edhe ata të pasurohen si modelet e tyre politike.

A na duhet një njeri i ndershëm sot neve? Pa asnjë dyshim, madje mendoj se njeriu për të cilin kemi nevojë sot është pikërisht ai, njeriu i pakorruptuar dhe që të mbështesë drejtësinë të luftojë korrupsionin. Dhe unë nuk di njeri që të ketë dhënë prova më shumë se zoti Shehi që ka patur pushtet në dorë dhe nuk është përfshirë në korrupsion. Nëse nuk duam një njeri si model të antikorrupsionit, atëherë ja tek e keni Parlamentin, zgjasni dorën dhe kapni një, këtë doni, e bëjeni President, dhe pastaj akuzojeni dhe shajeni deri sa të vijë radha të zgjedhim tjetrin?, u shpreh ai për CNA.al.

Më tej, kreu i PAA-së deklaroi se kandidatura e Shehit mund të mos marrë mbështetjen e socialistëve, por theksoi se për të do të ishte një President model.

?Tani vota është e fshehtë dhe mbi të gjitha ajo nuk është një vullnet i lirë i deputetëve. Në parlament votohet mbi bazën e urdhërave, apo vendimeve politike, të marra në parti. Ne e dimë se një kandidat i yni mund të mos e marrë mbështetjen e mazhorancës socialiste, por ne duam që tu tregojmë atyre se ndërsa ?enden? duke kërkuar një kandidat model, ja ku është një model. Një President i denjë kundër korrupsionit. Një President që të mbështesë drejtësinë, dhe jo të endet dyerve të drejtësisë që të mbyllë dosjet e tij. Një President, që të mos caktojë se kë duhet të arrestojë drejtësia, por realisht një njeri i ndershëm deri në palcë dhe pa asnjë ngarkesë emicionale politike, për asnjërën palë?, vijoi Duka.

I pyetur për marrëveshjen e Enkelejd Alibeajt me Taulant Ballën, ai tha se nuk e shikon me ndonjë konspiracion. Kreu i PAA-së deklaroi për CNA.al se Alibeaj po i shfrytëzon këto negociata për tu promovuar në politikë, pasi pretendon se në fund PS do të zgjedhë Presidentin që do.

?Nuk shikoj ndonjë marrëveshje apo ndonjë konspiracion të madh këtu. Situata është më e thjeshtë nga sa duket. Z.Alibeaj është duke u përdorur në këtë histori si njeri anti-Berishë. Ata e konsiderojnë atë si kryetar të PD-së dhe ai po e shfrytëzon këtë moment për tu promovuar në politikë. A është kjo e drejtë apo e ndershme? Kjo ha diskutim tani, por në politikë s?ka asnjëherë, apo ka rrallë herë, ndershmëri. Në fund, PS do të zgjedhë Presidentin që do, ndërsa Alibeaj do të ketë konsoliduar grupin e tij parlamentar?, theksoi ai, ndërsa shprehu pesimizëm për arritjen e një dakordësie për zgjedhjen e emrit të Presidentit të ri.

Duka deklaroi se nuk shikon asnjë mundësi për konsensus mes opozitës dhe për më tepër mes mazhorancës.

?Unë nuk shikoj asnjë mundësi për konsensus, përderisa nuk ka konsensus mes vetë opozitës. Nuk ka një emër që të propozohet nga opozita si një e tërë. Grupi i Z.Alibeaj mund të japë votat për një kandidat të ofruar nga mazhoranca, por kjo nuk do të thotë se Presidenti është konsensual. Mund t?i japim ne aleatët votat tona, nëse Parlamentit do t?i ofrohet një kandidaturë dinjitoze, dhe këtu s?ka pse të kemi paragjykime. Ne duam një President të denjë për të qenë kryetar shteti, dhe nëse ai na ofrohet, ne mund ta mbështesim edhe pse jemi në opozitë. Por sërish ky nuk quhet konsensus. Mendoj se mundësia për konsensus është djegur?, nënvizoi kreu i PAA-së./ CNA.al





Lajmet e fundit nga