web counter
LEXO PA REKLAMA!

SHKARKO APP

App Store
Google Play

“Basha hoqi qafe veten nga PD”/ Indrit Hoxha: Nesër nis epokë e re për opozitën

22 Maj 2022, 15:24, Politikë CNA

Anëtari i Këshillit Kombëtar të PD-së, Indrit Hoxha, ka dhënë një mesazh për demokratët, të cilët i janë drejtuar sot kutive të votimit për të zgjedhur kryetarin.

Hoxha kujton shtatorin e 2011-ës kur Lulzim Basha përjashtoi Sali Berishën nga Grupi Parlamentar dhe thotë se ky vendim vulosi largimin e tij si kryetar të PD-së.

Ai deklaron se pas rrugëtimit të gjatë dhe të vështirë, nga nesër PD do të fillojë një epokë të re.

?Ishte data 11 shtator 2021, dy ditë pas vendimit të ish-kryetarit të PD për të përjashtuar Sali Berishën nga Grupi Parlamentar, atë ditë nuk ishim më shumë se 35 veta përpara Parlamentit, shumë të tjerë nuk besonin, shumë të tjerë ishin konfuzë dhe një pakicë fërkonin duart që Basha kishte hequr qafe nga PD Sali Berishën, pa e ditur që me atë veprim sapo kishte hequr veten nga drejtimi i PD.

Mbas një rrugëtimi të gjatë dhe shumë të vështirë prej gati 1 viti, sot PD do ketë kryetarin e ri të saj, sot në PD janë zgjedhur me votë 72 kryetar degësh, 72 kryesi degësh, 150 anëtarë të Këshillit Kombëtar dhe pritet të zgjidhet kryesia e saj, nënkryetarët dhe sekretari i përgjithshëm. Nesër fillon një epokë e re për opozitën Shqiptare, nga nesër duhet të fillojë alternativa jonë qeverisëse, nga nesër Këshilli Kombëtar i PD duhet të delegohet në 72 degët e Shqipërisë për të nisur punën në çdo seksion të PD, zgjedhjet lokale janë në prag të derës dhe ne duhet të bëjmë gjithçka mundemi për t?i fituar ato?, shkruan Hoxha në rrjetet sociale./ CNA.al





Lajmet e fundit nga