Pasi dështoi me negociatat në shqip, Alibeaj fillon shkruan latinisht

22 Maj 2022, 14:42, Politikë CNA

“Pacta sunt servanda”!

Kështu e paskësh filluar tekstin e vet zëdhënësi i Alibeajt sot!

Në shqip: “marrëveshjet duhet të mbahen”!

Ky fakt na bëri që të mundohemi të kuptojmë se çfarë nevoje kishte Alibeaj që t?i bënte një tekst në latinisht Agalliut, që ky pastaj ta hidhte në facebook?

Pse Alibeajt ju duk që një togfjalësh i gjetur në latinisht do magjepste më shumë sesa i njëjti togfjalësh në shqip?

E bëri këtë thjesht që grupi i tij të duken të lexuar dhe intelektualë të mëdhenj, apo është efekti i shezlonit buzë Jonit që i frymëzon latinishten?

Alibeaj për ditë me rradhë keqpërdori atë pjesë të grupit parlamentar të PD që i rri ende nga pas. Ju referoi të gjithëve si konkluzion negociate një tekst marrëveshje të pafirmosur nga askush dhe që ekzistonte vetëm në trurin e Alibeajt.

Në një negociatë të zhvilluar live, sipas kërkesës së Alibeajt, palët duhet ti referohen proces-verbaleve të zbardhura ose filmimit të negociatës.

Alibeaj zgjodhi që te vinte në rresht deputetët, duke lexuar tekstin e kompjuterit të shtëpisë, duke kërkuar që secili të propozonte kandidatë për president.

(Rrinte edhe serioz kur e bënte gjithë këtë!)

E degradoi procesin parlamentar, në nivelin e kandidaturave që kanë ditë që vetëshpallen ose përzgjidhen nga populli i facebook-ut. Pastaj bëri një listë po aq eksiqe sa procesi i shpikur prej tij dhe e nxorri në facebook-un e vet!

Por ç’ndodhi më pas?

Askush nuk kuptoi pse Alibeaj u tërhoq të nesërmen nga gjithshka. Edhe nga procesi qesharak edhe nga lista!

Asnjeri nuk e kuptoi se nga e kuptoi Alibeaj që PS kishte shkelur marrëveshjen?

Të paktën nga aq sa dihet, nuk ka asnjë propozim zyrtar nga Alibeaj për PS-në, as me shkresë, as me kamera live!

Nga e kuptoi Alibeaj që negociatat kishin dështuar?

Nga e kuptoi që Rama u tremb nga lista Alibeaj? Ajo që vumë re ne të tjerët, ishte që “kandidatët” vrapuan të largoheshin publikisht nga lista Alibej.

Ndërsa Rama publikisht nuk arriti as të fliste për listën sepse Akibeaj u tërhoq pa gdhirë.

Me kë komunikoi Alibeaj jo-live, që kuptoi çfarë nuk kish kuptuar gjatë negociatës live?

Pasi kuptuam që me sa duket nuk ka kuptuar se për çfarë është marrë vesh me Taulant Ballën, tani Alibeaj i paska hyrë latinishtes nga bregu i detit!

Ata që i rezistuan të dëgjojnë delirimin e Alibeajt në atë tryezën e negociata live, panë që Alibeaj iku i qartë për konkluzionin e negociatave!

Përplasi edhe dorën në tavolinë për ti vënë kapak diskutimit dhe iku i qartë.

Edhe te tjerët ishin të qartë, por të ndryshëm në atë që kuptuan nga ato që u thanë në atë tryezë nga Taulant Balla.

Tani na del që Enkelejdi nuk paska kuptuar fjalitë që ju thanë shqip!

Alibeaj iku vendosmërisht i qartë, por me sa kuptohet ajo që kupton Alibeaj është e ndryshme nga sa i thuhet apo nga sa kuptojnë gjithë të tjerët që dëgjojnë të njëjtat gjëra.

Të jetë për shkak të faktit se Alibeaj i do togfjalshat latinisht?

Shqipen e Taulantit e kuptuan të gjithë njësoj me përjashtim të Enkelejdit.

Me gjasë kushti për vazhdimin e negociatave, do jetë që ato të zhvillohen latinisht, ndaj Alibeaj paska hapur fjalorët!

E sigurtë që me latinishten do i trembi të gjithë, jo vetëm Ramen!/CNA.al

Marrëveshja Balla-Alibeaj/ Drejt dështimit edhe raundi i dytë për zgjedhjen e Presidentit

Asnjë kandidat në Kryesinë e Kuvendit/ Digjet raundi i dytë për zgjedhjen e presidentit

Alibeaj i përgjigjet Ballës/ Ke shkelur marrëveshjen

Foto-?Fshati digjet, Alibeaj krihet?/ ?Supermeni? i Bashës shijon bregdetin