web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në PD/ Ibsen Elezi jep mesazhin e fortë: Me të keqen duhet përballur

23 Maj 2022, 07:40, Politikë CNA

Ibsen Elezi ka reaguar një ditë pas zgjedhjeve për kryetar të PD-së, ku fitues pas numërimit të votave u shpall ish-kryeministri Sali Berisha.

Në një postim në rrjetet sociale, Elezi falënderon ata që e votuan dhe ata që e mbështetën, duke përfshirë edhe mediat e gazetarët.

Më tej, ai përcjell mesazhe të forta, ndërsa thekson se ditët e mira nuk vijnë duke qëndruar para TV, dhe as duke qëndruar në kafe. Kështu, sipas tij, po rrezikohen edhe brezat që vijnë.

Ai thekson se në themel të ecjes përpara, është përballja me të keqen.

?Falenderim !

Së pari për ata që më inkurajuan dhe votuan, shumicën pa i takuar dhe as njohur.

Së dyti për atë pjesë të medias, gazetarët dhe opinionistët që më inkurajuan.

Së treti për stafin tim modest prej katër personash që përballoi këto 10 ditë fushatë të ngarkuar dhe gjithë vëzhguesit që ndoqën proçesin e votimit.

Kujtesë!

Për ata që mendojnë se do vijnë ditë më të mira duke ndenjur në kafe apo si spektator para TV, ju them me keqardhje se jo vetëm do e kalojnë ashtu në pritje jetën e tyre, por rrezikojnë edhe brezin që vjen.

Ata që presin të arrijnë diçka thjeshtë se i servilosen dikujt dhe apo ata që presin se kur do vijë dita e marrëveshjes për ndarjen e karrigeve, duhet të kuptojnë se nuk do i shërbejnë dot as vetes dhe jo më të ardhmes së këtij vendi.

Në themel të ecjes para është përballja me të keqen, aq më shumë në politikë.?-shkruan Ibsen Elezi./CNA.al





Lajmet e fundit nga