web counter
LEXO PA REKLAMA!

SHKARKO APP

App Store
Google Play

“Kudo të të prekësh ty, para nxjerr”/ Berisha akuza Spiropalit, si përfituan vëllai dhe burri nga tenderat publikë

23 Maj 2022, 10:12, Politikë CNA

Kryetari i PD-së, Sali Berisha, gjatë fjalës së tij në Kuvend ka hedhur akuza të forta ndaj ministres Elisa Spiropali.

Sipas Berishës, Spiropali u pasurua gjatë kohës që drejtonte Doganat, ndërsa akuzoi edhe bashkëshortin e saj.

?Ndrikull Spiropali është tituli i një postimi, pas çdo fjale ka një vjedhje. Ndrikull 5-milionëshja është favoze me bashkëshortin e saj, Salarjonin, e cila ia jepte tenderat vëllait të saj që të shtoheshin milionat.

Zonja që u pasurua aq shumë në dogana saqë kudo ta prekësh para nxjerr, burrin e çoi nga ujësjellësi në tenderat e KESH-it. Edhe aty përsëri Salarjoni, pra në qoftë se ka një burrë dhe një grua që kanë lumturuar njeri-tjetrin me para publike janë Spiropali-Toto.

Yt shoq i jep tenderin vëllait tënd. Nuk ka vjedhje më të madhe ditën për diell si kjo. Do të ta them edhe tenderin?, tha Berisha.

Ndërsa në një prononcim për mediat, jashtë sallës së Kuvendit, Berisha tha se burri i Spiropalit, i jep tendera publikë, vëllait të saj.

?Salarjoni ia jep tenderat Enklit, Enkli është i vëllai. Ka paturpësi, vjedhje më të hapur sesa tenderi publik i jepet kunatit, vëllait të gruas.
Kemi të bëjmë me një grup njerëzish që kanë humbur çdo moral për të pasur mandatin e deputetit dhe çdo dhembshuri për qytetarët që i vjedhin dhe i plaçkitin dhe kjo është e tëra pse mediat janë në këtë gjendje.?-deklaroi Berisha./CNA.al





Lajmet e fundit nga