web counter
LEXO PA REKLAMA!

SHKARKO APP

App Store
Google Play

Tabaku, debat me Ibrahimajn/ ‘Nuk bie në parodinë tënde, gënjen paturpësisht’

23 Maj 2022, 11:51, Politikë CNA

Sot në Kuvend ka pasur debate mes ministres së Financave, Delina Ibrahimaj, dhe deputetes demokrate Jorida Tabaku, teksa po flitej për situatën ekonomike në vend.

Sipas Ibrahimajt ka pasur një situatë të favorshme ekonomike, ndërsa Tabaku nga ana tjetër tha se shifrat e dhëna nga ministrja nuk janë reale, por gënjeshtra.

“Ministrja është personi që filloi të manipulonte e para shifrat e INSTAT-it. Duhet të kesh kurajë të madhe. Dhe ndonjë lapsus mund të bëhet kur flet. Në vend të shtetit mund të thuash detit, por kështu siç është bërë te ju, është bërë deti kos. Gabime mund të ketë bërë PD-ja plot, por leje për të miratuar buxhetin e shtetit në oligark siç merr ti, nuk ka marrë kurrë. Gënjeshtra, manipulime me shifrat e buxhetit siç bën ti kur sjell buxhetin nuk ka bërë kurrë, asnjëherë. Unë nuk bie në parodinë tënde të krahasimit me 2013-ën, lexon të njëjtën gjë si Ekonomi dhe Spiropali, por krahasimin mund t’ia lësh dikujt tjetër. Di më shumë se kaq për të gënjyer paturpësisht, di të lexosh deklaratën e Fondit Ndërkombëtar, siç flet kundër amnistisë fiskale dhe për reformat në energji, sektori që është bërë çorap. Duhet të kesh kurajë. Duhet të kuptosh, por nuk kupton”, tha Tabaku./ CNA.al





Lajmet e fundit nga