web counter
LEXO PA REKLAMA!

SHKARKO APP

App Store
Google Play

E fundit!

x

Sot mblidhet Konferenca e Kryetarëve/ Vijon “show” për zgjedhjen e Presidentit

24 Maj 2022, 07:25, Politikë CNA
Sot mblidhet Konferenca e Kryetarëve/ Vijon “show” për
Presidenca e Republikës së Shqipërisë

Pas djegies së dy raundeve të para në Kuvend, duket se “show” për zgjedhjen e Presidentit vazhdon sërish sot, në mbledhjen e Konferencës së Kryetarëve.

Ndërkohë, në Kuvend nuk është çuar ende asnjë kandidat.

Përgjegjësinë për dështimin e dytë, kryeministri Rama ia ngarkoi Alibeajt, i cili nuk solli kandidat, edhe pse ishte arritur marrëveshja që Opozita të sillte kandidat në raundin e dytë dhe të tretë.

Nga ana tjetër opozita akuzon mazhorancën se ka prishur marrëveshjen, pasi ka parë se kandidatët e tyre nuk mund të josheshin.

Sot në mesditë pritet të mblidhet Konferenca e Kryetarëve, që do të vendosë për datën e mbajtjes së raundit të tretë të zgjedhjes së Presidentit.

Enkeljed Alibeaj konfirmoi se ai do të marrë pjesë në këtë mbledhje për të kërkuar sërish përgjigje nga mazhoranca nëse i qëndron dakordësisë së arritur në negociata.

Edhe në këtë raund opozita ka të drejtën e propozimit të kandidatit sipas marrëveshjes mes të dyja palëve. Në rast të kundërt mazhoranca ka deklaruar se do ta zgjedhë vetë Presidentin e ri.





Lajmet e fundit nga