web counter
LEXO PA REKLAMA!

SHKARKO APP

App Store
Google Play

E fundit!

x

Çuçi bën Tiranën me "vizë"/ Thirrja për qytetarët: Mos tentoni të vini

23 Maj 2022, 13:13, Politikë CNA

Ministri i Brendshëm, Bledi Çuçi, sot në një deklaratë për mediat ka theksuar se për datën 25 maj Tirana do të bëhet me ?vizë?.

Ai ka deklaruar se ditën e mërkurë në Tiranë nuk do të lejohet të futen persona që vijnë nga rrethet nëse nuk kanë një biletë për finalen e madhe të futbollit që luhet në “Air Albania”.

?Thirrja ime është nëse nuk keni një biletë mos hajdeni në Tiranë, sepse do të jetë e bllokuar. Ditën e mërkurë mos tentoni të vini në Tiranë.

Tirana do të jetë në dispozicion të miqve nga Roterdami e Roma, dhe atyre që kanë një biletë?, -tha Çuçi.

Më tej, ai u bëri thirrje bizneseve private ta bëjnë ditë pushimi 25 majin, ashtu siç ka bërë edhe Qeveria, me administratën.

?U bëj thirrje të gjitha bizneseve private, që nuk kanë lidhje me ndeshje, si bankat, etj, ta shpallin ditë pushimi pasi do të jetë e paralizuar gjithë Tirana për shkak të mjeteve.

Çdo mik do t’i ketë dyert e hapura dhe gjitha kanalet e komunikuara në mënyrë që të aksesojë Tiranën sa më kollaj.  

Festa fillon që nesër. Ne jemi të vendosur ta kthejmë në festë të vërtetë dhe të mos cenohet asnjë sportdashës?, -theksoi ministri.

Kujtojmë këtu se më 25 maj do të luhet në “Air Albania” ndeshja e vlefshme për Conference League. 

Nga 20 mijë bileta që janë gjithsej, UEFA ka njoftuar se janë shitur 16.500 bileta nga të cilat 8 mijë në total për Romën dhe Fejnordin, 4 mijë për secilën. Për rrjedhojë për publikun e thjeshtë në të gjithë botën u vunë dispozicion 8500 bileta që u blenë nëpërmjet faqes së UEFA-s në një kohë rekord./CNA.al





Lajmet e fundit nga