E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Butrinti/ Balla ‘lojë fjalësh’ me Berishën: ‘Non grata’ hyri në terma që s’i merr vesh

23 Maj 2022, 16:13, Politikë CNA

Kryetari i Grupit Parlamentar të Partisë Socialiste, Taulant Balla, ka replikuar ish-kryeministrin Sali Berisha për çështjen e Butrintit.

Balla ironizoi Berishën gjatë fjalës së tij në Parlament, teksa tha se ky i fundit hyri në terma dhe në çështje që nuk i kupton.

Gjithashtu ai ngriti akuzat se të gjithë personat që janë kundër marrëveshjes dhe ndjekin linjën e kryetarit të PD-së, nuk i intereson Butrinti.

Sipas tij, fondacioni që do të investojë në Butrint është shqiptar, pavarësisht së në emër ka fjalën “amerikan”.

?E ka marrë mbështetjen e shumicës është votuar dhe është një prej marrëveshjeve që i bëjnë mirë vendit tonë, do të rrisin turistët që do të vijnë të shohin këtë pasuri të madhe kombëtare. Non-grata hyri në terma dhe në çështje që as nuk i merr vesh, as nuk i kishte kuptuar e as nuk do t?i kuptojë, të ngatërrosh zonën e mbrojtur natyrore e të thuash do ndërtohen vila, zot na ruaj mendjen.

Një gjë është konfuzioni i këtij diskutimi. Asnjëri nga ju që jeni kundra nuk keni pasur merak për Butrintit. Gjëja e fundit që ju shkon në mend është Butrinti. Më vjen keq që një pjesë prej jush u mor peng nga non-grata e madhe që e nxori kokën sot, sepse iu turr fondacionit amerikan.

Sa ju thash që kur të vijë kompania amerikane, do dilni kundër. Por ky është fondacioni shqiptar. Kemi bërë me këtë fondacion punë të mira. Fondi është dekoruar, lartësuar kur zotëria ka qenë kryeministër. Por fondi nuk bën sot, se e ka emërtesën “amerikan”. Nuk bën! Po ta kishte emërtesë tjetër, nuk do të ishte këtu. Por keqardhja ime është se pse ju të tjerët i shkuat pas? Pse ratë pjesë e presionit. Fondi po bën një punë të shkëlqyer. Koha do të tregojë se investimet që do të behën sipas kontratës. Ai është kundër po pa amerikanë. E kam me ju këtu, me ju që votoni kundër këtu sot?! Ç?a ka Amerika që duhet votuar kundër? Butrinti ka qenë dhe do të jetë pronë e shtetit shqiptar?, theksoi Balla./ CNA.al