web counter
LEXO PA REKLAMA!

SHKARKO APP

App Store
Google Play

Marrëveshja Balla-Alibeaj/ Spaho: Zgjedhja e presidentit po merr karakteristikat e një procesi mafioz

23 Maj 2022, 18:18, Politikë CNA

Deputeti i PD-së, Edmond Spaho, është shprehur se mes Enkelejd Alibeajt dhe mazhorancës ka një marrëveshje të fshehtë për çështjen e presidentit.

Në një intervistë për emisionin “Debat” në “A2CNN”, Spaho tha se në këtë proces nuk ka transparencë dhe gjithëpërfshirje, pavarësisht taktikave të Ramës për të treguar të kundërtën.

?Ne kemi folur për këtë çështje. Pa filluar seancat për zgjedhjen e presidentit, edhe sot nuk ka përfunduar seanca, rezultati i saj dihet, sikurse e kemi thënë vazhdimisht po e tregon realiteti, natyra si po zhvillohen ngjarjet. Ky është një proces që po merr karakteristikat e një procesi mafioz, ku mungon transparenca dhe gjithpërfshirja. Edi Rama e ka në kokën e tij emrin dhe do e nxjerrë në dy raundet e fundit. Por tani i duhet të krijojë idenë e një procesi të gjerë konsultimi dhe pjesëmarrjeje. Për këtë po përdor individë në opozitë. Faktet po tregojnë që jo vetëm janë përdorur, por janë përdorur në mënyrën më të keqe të mundshme.

Kushdo me një analizë të ftohtë është shprehur që ky është një proces farsë. Rama do të kapë edhe atë pikë të fundit që nuk e disponon. Por ai do të ketë më shumë dëm politik sesa fuqi. Natyra e tij, shpirti i tij i brendshëm e ka treguar që do të ketë çdo gjë në dorë?, tha Spaho./CNA.al





Lajmet e fundit nga