web counter
LEXO PA REKLAMA!

SHKARKO APP

App Store
Google Play

“Legalizimi i kanabisit si Kalë Troje i drogave më të rënda”/ Dom Gjergj Meta kundërshton ashpër nismën e Ramës

7 Prill 2022, 18:00, Aktualitet CNA

Ipeshkvi i Rrëshenit, Dom Gjergj Meta ka reaguar pas deklaratës së kryeministrit Edi Rama se do të legalizojë kultivimin e lëndëve narkotike për qëllime mjekësore.

Gjergj Meta është shprehur kundër nismës së qeverisë për legalizimin e kanabisit duke thënë se ?nuk dua të besoj se një nismë e tillë është dorëzim i shtetit përballë mafies së kultivimit të lëndëve narkotike?.

Në reagimin e tij në Facebook, Meta e konsideron legalizimin e kanabisit si Kalë Troje i drogave më të rënda në jetën e shumë të rinjve.

Postimi i plotë:

LEGALIZIMI I KANABISIT SI KALË TROJE …

Për momentin po kufizohem të them se legalizimi i kanabisit (qoftë edhe për qëllime kinse mjekësore) është Kali i Trojës i drogave më të rënda në jetën e shumë të rinjve, sidomos në një vend ku ka papunësi dhe varfëri midis tyre. Ky legalizim mund të jetë gjithashtu paradhoma e shumë fenomeneve të tjera të dëmshme për shoqërinë, sikurse monopolet apo logjikat mafioze.

Personalisht më çudit fakti që një popullsi aq “konservatore” si kjo e jona qenka aq pro legalizimit të kanabisit, nëse është e vërtetë që procesi i konsultimit nga ana e qeverisë ka sjellë në këto rezultate.

Nuk do të doja të besoja se disa nga këto ide janë si dikur “…me propozim nga poshtë e vendim nga lart” (për kujtesë më 9 maj 2020 kryeministri ka thënë se ka një vit që qeveria po punon me draftin e ligjit për legalizimin e kanabisit, d.m.th. qysh më 2019).

Më keq akoma nuk dua të besoj se një nismë e tillë është dorëzim i shtetit përballë mafies së kultivimit të lëndëve narkotike.

Kaq për momentin për lajmin e mundësisë së legalizimit të kanabisit që u artikulua këto dy ditë.

D.Gjergji./E.K-CNA.al





Lajmet e fundit nga