web counter
LEXO PA REKLAMA!

SHKARKO APP

App Store
Google Play

Manifestim në mbështetje të Ukrainës/ Ja në cilat rrugë do të kufizohet lëvizja nesër

7 Prill 2022, 17:36, Aktualitet CNA

Ditën e nesërme, disa nga rrugët e kryeqytetit do të jenë të bllokuara, në kuadër të marshimit i cili do të organizohet në solidarizim me popullsinë e Ukrainës.

Manifestimi i thirrur nga komuniteti ukrainas, do të fillojë në orën 12:00 dhe do të ketë pjesëmarrje nga trupi diplomatik, organizata të shoqërisë civile dhe qytetarë.

Marshimi do të nisë nga sheshi ?Skënderbej? deri te ?3 Vëllezërit Frashëri? ku është edhe ambasada e Ukrainës.

Si pasojë e një ngjarjeje të tillë, do të ketë devijim ose bllokim në disa rrugë të kryeqytetit nga ora 12:00 deri në orën 15:00.

Kufizime do të ketë në segmentet e mëposhtme:

-Bulevardi “Bajram Curri”, segmenti nga kryqëzimi me rrugën “Ibraim Rugova” deri në Bulevardin “Dëshmorët e Kombit”.

-Bulevardi “Dëshmorët e Kombit”, segmentin nga kryqëzimi me Bulevardin “Bajram Curri” deri në kryqëzimin me rrugën ?Ismail Qemali”.

-Bulevardi “Dëshmorët e Kombit”, segmenti nga “Sheshi Skënderbej? deri në Bulevardin “Bajram Curri” (përkohësisht në intervalin kohor përgjatë marshimit).

Qarkullimi i automjeteve, mjeteve të emergjencës dhe Policisë së Shtetit do të behet, në akset e mëposhtme:

-Rruga “Ibrahim Rugova”, Bulevardi “Zan D’Ark”, rruga ?Ismail Qemali” dhe rruga “Papa Gjon Pali

Itenerari i lëvizjes së mjeteve të linjave urbane do të vazhdojë lëvizjen si më poshtë:

-Linja e unazës do të devijohet në urën e Drejtorisë së Policisë dhe në urën e rrugës së “Elbasanit”, (vetëm për sensin antiorar).

-Linja “Tirana e Re” do të devijojë te sheshi “Willson” dhe tek “UFO”./ CNA.al





Lajmet e fundit nga