web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Kushi sfidon Vokshin: Do largohem nga detyrat nëse provon akuzat

7 Prill 2022, 09:24, Aktualitet CNA

Ministrja Evis Kushi, pas denoncimit të publikuar nga deputetja Albana Vokshi, e ka sfiduar publikisht se nëse provon akuzat e ngritura ndaj saj do të largohet nga detyra, në të kundërt do të mbajë përgjegjësi morale dhe ligjore për shpifje.

?Sfidoj deputeten Albana Vokshi që të provojë akuzat e saj në lidhje me ndërhyrjen time apo të stafit tim në procese testimi dhe vlerësimi të mësuesve.

Unë që sot largohem nga detyra nëse ajo i provon akuzat, por, në të kundërt, deputetja do të mbajë përgjegjësi morale dhe ligjore për shpifje.

Që sot do të depozitoj padinë në gjykatë. Qytetarët nuk mund të helmohen çdo ditë me shpifje. Është turp dhe e pafalshme që, për qëllime politike, të shpërdorohet besimi i qytetarëve nga karrigia e deputetit, duke sajuar akuza që cënojnë besueshmërinë dhe nxitin pasiguri te mësuesit dhe nxënësit për proceset vlerësuese në sistemin arsimor.

Të dashur mësues, ne do të vazhdojmë çdo ditë të punojmë së bashku për të përmirësuar më tej sistemin tonë arsimor, duke mos u dekurajuar nga asnjë sulm politik.

Të dashur nxënës, ne bëjmë çdo ditë e më shumë përpjekje për të garantuar barazi, transparencë dhe meritokraci në vlerësimin e arritjeve tuaja?, shkruan Kushi.

Kujtojmë se deputetja demokrate Albana Vokshi ka publikuar sot mesazhin e një zonje, e cila pretendon se është mësuese në Elbasan.

Në mesazhin në fjalë, denoncohet një skandal, në lidhje me provimin e Vlerësuesve të Arsimit Parauniversitar që do të zhvillohet sot në Tiranë.

Sipas denoncueses, drejtori i shkollës ka marrë pyetjet dhe përgjigjet e gatshme, me porosi të Ministres Evis Kushi që të certifikohen të njohurit e Ministres dhe militantet e partisë./ CNA.al

Ministrja Kushi përfshihet në skandal/ Publikohet mesazhi





Lajmet e fundit nga