web counter
LEXO PA REKLAMA!

SHKARKO APP

App Store
Google Play

E fundit!

x

Gripi i shpendëve/ Gjeçi: Situata është nën kontroll, kemi 12 vatra në të gjithë vendin

7 Prill 2022, 10:57, Aktualitet CNA

Zëvendës ministrja e Bujqësisë, Ermira Gjeçi ka folur sërish sot për situatën e gripit të shpendëve në vend.

Në një lidhje me ?Abc Live?, Gjeçi tha se grupet e punës janë në terren për monitorim dhe se situata është nën kontroll.

Zv.ministrja tha se deri më tani janë 589 mijë shpendë të ngordhur, ndërsa në të gjithë vendin ka 12 vatra.

?Situata është nën kontroll. E gjithë trupa e veterinerëve është në terren. E rëndësishme është që  trupa e veterinerëve janë në terren për të monitoruar dhe për të mos lejuar përhapjen e  gripit të shpendëve. 589 mijë shpendë të ngordhur deri tani. Kemi 12 vatra në rang vendi. E fundit është në Xhafzotaj. Dhe ka një përhapje në disa qarqe në Shqipëri?, tha Gjeçi.

Lidhur me ngordhjen e Pelikanit Kaçurrel në liqenin e Prespës, zv.ministrja theksoi se janë njoftuar fillimit nga autoritetet greke.

?Ne patëm një njoftim nga autoritete përkatëse që në zonën e Prespës në Greqi ishin gjetur 600 pelikanë të ngordhur dhe u njoftua për prezencën e gripit. Ne njoftuam trupat tona të inspektimit. Masat e para paraprake është monitorimi, për të parë nëse ka shpendë të ngordhur. Ky virus përhapet nëpërmjet shendove të egër, qoftë edhe atyre migratorë?, tha ajo./CNA.al





Lajmet e fundit nga